All rights reserved By© Reema
this picture taken by me
كنت قاعدة بستاربكس أنطر وحده من ربعي عشان نروح نصور لوكيشن
أول ما وصلت طلبت قهوتي و جابلت مجلتي شوي و بديت أطبق بإللي مكتوب على المجله على الكاميرة
و أزهبها حق الرحله
و إلا إتييلي وحده من إللي يشتغلون
بالإنجليزي طبعا
لو سمحتي إنتي مصورة؟
( أنا بيني و بينكم إستانست عبالي تبي تشوف صوري )
ريما :إيي أصور
موظفه ستاربكس: ترا ممنوع التصوير بستاربكس
ريما: سووري بس ستاربكس شنو في عشان الواحد يصورة و بهالنوعيه من العدسه؟؟
الموظفه: لأ يعني تدرين الديكورات و المبني من برة
ريما: في أحد يالكم يبي يصور و ما إستأذن؟؟ أنا إللي أعرفه إن من آداب المصور إنه يستأذن
الموظفه: لأ ولا مرة يالنا واحد و لا إستأذن منا للتصوير
ريما: وأعتقد إني أدري عن الشي ، إنزين ممكن أطلع الكامرة و العدسات و أنظفهم و إلا ممنوع؟؟
الموظفه: أنا في بلدي أصلا نستانس إن السواح يصورونا لأن ذكري حلوة ، بس بالكويت الوضع مختلف
ريما : والله كلامج صحيح المشكله إن إللي يدخل بكاميرة مهما كانت صغيرة الكل يطالعه مخترع ، كأنك شايله قنبله مو كاميرة
و يعطونج نظرة إنتي شنو قاعده تسوين ، صج فراغه تصور عيالنا بالمطعم جن أول مرة يشوفون مطعم بحياتهم ، فما بالج الحين شايله كاميرة كبيرة و العدسه أكبر منها ،،
أول ما بديت أصور نبهوني من هالنقطه إن كل شي ممنوع بالكويت نصوره و لازم تصريح
لا مارينا ، ولا مجمعات تجاريه ، ولا متاحف ، كل ممنوع ممنوع و إييلك رجل الأمن طااااااااااير
ممنوع ممنوع
ليييييييييييييييييييش قاعدة أصور اليخوت ! ليش ممنوع !
أنا صورت فى أغلا موقع يخوت بأسبانيا و صاحب اليخت يضحكلي!!
هذيل إللي صافتين ما أبي منهم إلامنظر الغروب يقوللي ممنوع!
شنو السر إن ممنوع؟
في أحد يحصله دعايه ببلاش و يرفضها؟
هل يخافون من إن صورهم تنتشر بالنت؟
لي هالدرجه الناس قاعدة تسوي غلط و إتخاف من المصيبه من إن أحد يصورها و يعرفها؟
و فعلا أكو ناس جذي إتسوي إللي مخربه على الكل؟
طول اليوم فعلا أشغلي التفكير بهالموضوع
22 comments:
همم السبب
من آمرك؟ قول من نهاني
ماكو سبب غير النحاسة
ههههه والله هذي المشكلة اللي تواجهني دائمًا :/ شنسوي بعد
اللي عرفته ان ممنوع عشان ما نصور فيديو او صور وتنتشر بالبلوتوث مما يسيء لمكان التصوير
مثلاً صورت وحده لابسه لبس يخدش الحياء وبالصورة بين ان المكان في مركز سلطان مثلاً
ايي وانشر الصورة بالبلوتوث واكتب فضيحة بنات الكويت لووول مثل اللي هابين فيه اعداء الوطن ... اهنيء اسئت للمكان بعد
وطبعًا اللي يسوون جذيه هم حثالت المجتمع أو ناس لا ينتمون لأي مجتمع اصلاً بل هم شياطين البشر.. وطبعًا بنروح نقول للي يقول لنا ممنوووع : شنو شايفيني منحط ولا حيوان اصور خلق الله وانشر صورهم؟ اصلاً حرام شرعًا واكو فتاوي!! بيقولون : العفو بس اذا مشينا القانون على حيوان ومنحط لازم نمشيه على الكل خخخخخ
يحياالكويت
ملحوظه : الصراحة ما ألومهم
Yup, everything here in this country is forbidden. Because if you take a picture of something thats a proof and evidence if you have a problem or anything. Well, for example if you take a picture of the beautiful and not so dirty bays/marinas we have here (of course I am being sarcastic).
You can screw their ass :P hehehehe . Then we have this stupid 7aram word which is getting on my nerves. Everything you do is either 7aram or not from our tradition.
السلام عليكم
تابعت بلوقـ ج من فترة و كان فيه جم موضوع حمسني اني ارد .. و اليوم بضيف أول تعليق لي :D << يا فرحتي
استخدام بعض الناس للتصوير ببعض انواعه بصوره سيئة.. خلى الخوف يكبر عند غيرهم من الناس من التصوير خاصه عندنا ..
لأن احنا هذا اللي فالحين فيه .. أي تكنولوجيا تطلع لازم نبدع باستخدامها لين نكره الناس فيها
و لأن الشين يعم .. فـ الناس تخاف .. و هـ الخوف الظاهر انتقل للمحلات :/
بعد مساكين اهم يقولون شزودنا حتى احنا نخاف على اسمنا :p
و هم بيقولون احنا مستغنين عن دعايه ما ندري منو وراها و شلون استخدامها .. ندفع فلوس و ننام مرتاحين أحسن :p
بس شلون و اذا سياح ( سياح بالكويت ؟! يلا ما عليه طوفيها ) لو سياح قاعدين بستاربكس و يبون يصورون نفسهم .. ما يصير يعني :///
امبيه بروح السياحه عندنا خرطي بعد ممنوع التصوير !! كملت << يا قلب لا تحزن !
تبين الصج
المشكلة هذي تواجهني مع انه صوري كلها تلوع الجبد
اعتقد مجتمعنا مايملك الشجاعة لابراز مهاراته جدام الناس
الصورة وااايد حلوة
انتي شايفة يا ريمه ايييييييييي
مؤشر في بلدنا
يدل على اننا نقدر الفن ونحترررررررررمه
؟؟؟
بما ان التصوير فن
اذا
ماله مكان بديرتنه
بعدين الناس عندهم عقده كبيييييييره
بالكويت
كله على بالهم انهم مهمين
والكل يطالعهم
عشان جذيه
ما يبون ازعاج من
الباباراتزي
امثالج
لووووووووول
قوة ريما
قبل فترة كنت اصور وعادي كنت اروح مرينا كريسنت وريفز وشرق كله صورته ما خليت فيه شي ما صورته بس طبعا من برة مو من داخل وصور البحر وصورت صووب البخوت والطراريد وصور الأبراج وصور شنو بعد همم وصورت المركز العلمي بره وداخل محد قالي شي
بس يمنعون اذا كان المكان فيه نااااس وايد إيييج الحارس ركض يقولج ممنوووووع ممنوووووع !! وانا مو قصدي اصور الاوادم ولا ييت صوبهم
مادري ليش يعني خو ماني مسوية شي !! وبرة من تطلعين الكاميرا تلقين الاوادم تبوسموا عشان لا سمح الله اذا طلعوا بالصورة يطلعون بابتسامة لوول :)
اي مادري منو بيرد على الامن :×
الي براسج سويه وماياج بويهي
<-- لا تصدقين وتسوينها :P
بس مادري انا صورت جم مجمع وجم مكان ماشفت احد قالي ممنوع, ولا انا حظي حلو كل مابي اصور الامن يكون ماشي؟ :×
لوول تدرين بعد
يخافون من العين كفايه احنا محسودين من الكل و ما بقا ديره ما اطالعني و تحسدنا بعد نصور لوول نتحرول مره وحده
:p
nice pic
salamz sweetee...
هذي الكويت صل على النبي
و الله مادري ليش دايما مصعبين الأمور
مشالله تصويرج روعه :)
محمد يبي يتحمل المسؤولية لو شي صار، وبعدين خبرج عيون الناس ما ترحم
خوش صورة، دزيها الشايع ايميل
nice picture!!
Ya rabi ta3awadna kel shay mamnoo3 hni;\
السلام عليكم
صراحه انا اقولها لج
اذا يا احد بيمنعج انج تصورين قوليله الحين اشتكيك للشرطه
ماكو شي اسمه ممنوع تصور مناظر او اماكن في الكويت ماصدر قانون يمنع التصوير في الاماكن العامه
واسمها اماكن عامه يعني لاي شخص له حق انه يسوي فيها الي يبي بحدود المسموح طبعا ومايتعدها
لكن انا اقولج خرعيه اذا ماخلاج تصورين قوليله ايب لك الشرطه
مالهم حق يمنعون اي احد انه يصور
وعلى ظمانتي :>
حلوه الصوره
والفوكس مالها جميل
اعتقد انها كانون صح ؟
لان صورها غامجه
تحياتي
تحية طيبة
الواحد ياخذ راحته بالتصوير
برا الكويت لان الناس شوي روحها طيبة
و على قولت واحد من الربع (اخلاقهم سياحية)احنا شوي يختلف الوضع معانا
ريما عطيني رايج بالصور اللي حاطهم بمدونتي
مانتوفاني
وايد واجهتني هالمشكلة ..
للأسف أعتقد الاعتقاد بنظرية المؤامرة بكل شي اهو السبب !!
عقد هالديرة عقد
حمدالله والشكر
لا يدعمون المواهب
ولا يخلون الواحد يدعم نفسه
مالج شغل فيهم
وكملي
Very nice picture!!
Walla I am wondering like you.. WHY photography is not allowed?!! Strange?!! I hate this I want to tak pics in my country but most of the time I can't!
موضوعج عجبني ريما
هبيت فترة بالتصوير والحين خقيت :(
وودي ارجع مرة ثانية...
ريما شنو المجلة اللي تطبقين منها؟
digital photographer
digital photo
كلامج عدل مو من المفروض ان نعيش حياتنا كله ممنوع اب ممنوع ... فعلاً ملينا من هالعقد
بس عندي ملاحظة
عندنا فئة من الناس "المريضة"وللإسف هم كثر
يطيحونله تصوير لغرض ثاني
و في هذه الحالة ما تقدرين توافقين
على شخص و الثاني لا
وهمن الناس قامت تخاف لمن تسمع عن الصور اللي تندز بالموبايلات
الخلاصة
في ناس غرضها شريف و في ناس لا
و صعب انه تفرقيين
و نصيحتي لج
وفري الميموري اللي عندج و صوري شي احلى اب مكان انتي ترتاحيين فيه
Post a Comment