photo studio!

رحت أشتري أستوديو تصوير حق البيت
لأن المشروع كبر يا أولاااد
في وايد من ربعي يبوني أصورهم بالبيت عندي

المهم
رحت عالم التصوير و طخيت ستوديو و يبته البيت

محمد! تعال شييل الأغراض
ودي أعرفكم بسايقي اليديد هذا كان سايق تنكر و الحين سايق عندي بالبيت
هالأيام صار السايق عملة نادرة
المهم

مادام هذا ستوديو؟؟
إييي ستوديو شعرفك؟؟
قال أنا أشوف هذا نفس مال مصور
( بيني و بينكم كان سؤالي شوي غبي لأن محد فينا ما شاف هالشي من قبل – قمت و طوفتها له )

مادام إنت إقعد هني و أنا أسوي كل شي
شتسوي يا حسرت قلبي!
أنا يركب ستوديو ما ل إنت
تعرف؟؟
إييي أنا صديق أكو سيم سيم أنا يشوفه يركب
طبعا حطيت ريل على ريل و أشوفه والله ماشي حاله
دخلت أبدل
و بعدين طلعت برة و إلا إسم الله الله يحفظه مظبطلي شغلي!
ياه ياه محمد شنو هذا !
هاهاهاهاهاها
يالله ماما روح جيب كاميرة
والله رحت يبت الكامرة و العدسات
و إلا ما أشوف إلا ينادي الخادمة
يالله كريستين تعال ماما يبي يصور

ههههههههههههههههه
ههههههههههههههههه
طبعا أنا هني فصلت
عاد الأخت إتغلى لا مابي لا مابي
و إلا جان إتييلها زفه منه
يالله عيييب هذا ماما بيصور يبي يسوي تيست!

كااافوا والله لو أنا جان قلت بس خلاص أراعي شعورهم

والله و شوي ويا الفلاشات و إلا ألأخ ياب كلينكس يقولها مشي ويهج عشان يصير الصورة عدل
كاااااااااااااااااااااااااااااااااااك
لما قال ييبوا لكلينكس
ما قدرت أصور بس فصلت من الضحك
هههههههههههه
هههههههههههههههه

أنا هني خفت الصراحه
قتله محمد يالله روح ييبلي هابي ميل يوعانا
وإلا الأخ أشوفه قام يلبق الأغراض!
شتسوي!!
يقوللي ما ينفع إنت صورت وايد بعدين يخترب خل إستراحه شوي
هههههههههههههههه
ههههههههههه
إنشاء الله خلاص أصور باجر

قولوا ماشاء الله لا إله إلا الله
لا يدعم بعيالي و يصير فيهم شي من هالبوست
هاهاهاهاها

ماشاء الله ولا حول و لا قوة إلا بالله

life wasn't ment to be perfect

" AUTUMN"

taken by : Reema

لماذا نريد المدح و نحن نعلم علم اليقين بأن ما نقوم به هو من أروع الأشياء التي قمنا بها فى

حياتنا

دعوني أروي تجربتي و لنعتبرها معا تأكيد لأمور أري أنني أستحق أن أذكر نفسي بها
من طبيعة شخصيتي هي التغير المستمر لبعض أمور بحياتي
مما يجعلني غير نمطيه و متجددة دايما و متألقه دوما
عندما أقدر لفعل جديد أو هوايه جديده أحب أن أعطيها كل الوقت للوصول لمرحلة الإتقان.
و هذا ما جعل مني شخصيه قد يتخوف منها البعض
و خصوصا في محيط العمل

كنت على علم بكل هذه الأمور ، فجعلت من شخصيتي المتألقة بعملي و ليس على مسئولي محط إعجاب.

نأتي عندما نتقن هوايه ، و هو ما جعلني أكتب هذه الأسطر
عند بدايتي كان الكل محيط بي و يريد مساعدتي ، و كنت تلميذه مطيعه جدا جدا
أسمع كثيرا
و أطبق أكثر
و أنجز العمل بإتقان ( بحكم شخصيتي )
عندما بدأت بمجارات البعض و بفترة لا تتجاوز الأشهر بدات أحس بالضيق
إهمال و معلومات خاطئه و يأسفني أن أقول هذا
أو أكتفي بالإجابات المعتادة ( لا أعرف أو ليس الآن )

دار حوار بيني و بين صديق لي بخصوص هالموضوع
لماذا ينزعجون من هم كانوا في يوم متفوقين و يأتون أناس من لهم الفطنه ليكونوا أكثر منهم تفوق

أقولها و أنا أطبقها مع أبنتي هذا المبدأ
( لا تخلين أحد أحسن منج بالصف )
السؤال :
لا ألوم من خاف على من هم يفوقهم
ولكن ألوم من لا يتحكم بمشاعره و ترويضها )
مشاعر الكراهيه و الحقد لا تستطيع إخفائها فهي واضحه وضوح الشمس
و يأتينا بعدة أشكال
نقد جارح
عدم السلام بالطريقه التي كانت من قبل
الكلام من خلفك


برأي الشخصي
يستحق كل شخص أهدر من وقته لبناء نفسه أن يرى إنجازه بعينه
و أرجو أن لا نعتبر هذا تباهيا
هي نتيجه فعل طبيعية لإنجاز أي شي
و هي إظهار هالعمل و بأحسن صورة
وعندما نفعل هالفعل نجد ردة الفعل (( ليش يمدح شغله خل يخلينا إحنا نقول حلو )
و إذا إنت ما عندك ذوق و مو شايف هالشي حلو شسويلك يعني؟؟))

و هنا سوف أختم من حيث بدأت :
((لماذا نريد المدح و نحن نعلم علم اليقين بأن ما نقوم به هو من أروع الأشياء التي قمنا بها فى حياتنا))
و ليس من أتقن الأشياء
و أعلم علم اليقين أنه في يوم سوف يأتون أناس تفوقني علما و ذكاء.


كلمة أخيرة
إستمتعوا ببناء أنفسكم و عقولكم و تمتعوا بما أنتم في و بإنجازكم

عسى أيامكم كلها دوم نجاح بنجاح

again a new mobile!

تذكرون قصتي ويا الموبايلات؟؟

توني مستقرة علي السوني ايريكسون G900

طلع سكة حده

هاهاهاهاها

ما إخترت إلا أصعب نوع من السوني و إليي جرب هالتليفون كره سوني بكبره

ليش؟

أول يوم دوامي ضاع بسبته!

شنو العيب الشرعي اللي بالتليفون؟

لي خليتوه صامت يرن هزاز بسلامته المنبه

هاهاهاهاها

يا حلوي و أنا مخليته حد الرنه بالليل!

يابلي أرق و عسرني

و ناس سهرانه و تدز مسجات الساعة 2

أمبييييييييييييييييييه

دقيت على البراك الوكيل أول ما قمت الصبح

قتله شنو الحل يعني؟؟؟

قاللي مالج إلا

C902

يا لهويييييييييييييييييي

بعد!

أغيره!

ولييييييييييييين

و تم تغيير التليفون و ناطره الله يهديه و ينصلح حالي وياه

بس والله مبدئيا عجييييييييييييب

المنيو مال الفون مو صج

الكاميرة مو صج

الرنات أشكال و ألوان

النت سريع عليه ماشاء الله

الكي بورد ماله عوي شوي فيه صعده

هاهاهاها

الشاشه صغيرة بس تمشي الحال

ما تعلمت عليها بعد

الله يثبته و يهديه و ما يطلع في شي غير

ATLANTIS The Palm

صارلي سنتين ما رحت دبي

قلنا نودي اليهال بعطلة العيد حق هالفندق اليديد اللي ينقاله

ATLANTIS

يسبحون ويا الدلافين

الله لا يوريكم

خدمة أقل ما يقال عنها إني رايحه معسكر مو فندق 5 نجوم!

يوم سألت ليش؟

قالولي

It’s a DEMO opening

يوم إنتوا ديمو ليش بالله مدفعينه هالمبلغ ويا ويوهكم؟؟؟

ما أنصح تروحون له الحين

نطروا عليه جم شهر خل يتعدل كل شي في

لأن الفندق أبسط حقوق النزيل فيه مو موجوده

توقف الماي لمدة 6 ساعات بالبرج اللي يمنا و تعال شوف لهواش بالرسيبشن تحت

وأنتوا بكرامو خدمة تنظيم الغرف بس يسنعون لفراش و الزبالات فايضه

رحت تحت من الدور 17 عشان أقولهم أبي سرير حق الياهل

يابولي إياه ما قصروا بس متي؟ الساعة 4 الفير الله وكيلكم

بعض الأسنسيرات مفقود رقم 21

ناسينه!

الروم سيرفس محد يشيلة

طوابير مثل فنادق لاس فيغاس

Check-out

40 دقيقه

أدق على البيل مان

45 دقيقه عشان إيولك

الريوق بالغرفه ساعة و ربع

والله حرام فندق شحلوة و مستخدمين فيه أغلى مواد البناء يهلقون فيه

تعلمنا درس

ما نسكن بفندق يديد أبدا !؛

بس أهم شي اليهال استانسوا

المصيبه إن 3 أشهر جدام fully booked !

ببعيد عن الفندق؟

مع إحترامي لللإماراتيين

شنو هالسخافه إن واحد رقم سيارته 2 يصر إن يوقفها جدام باب الفندق و يسكر المدخل لا و مو عاجبه إن الأمن يكلمونه؟؟؟

عيدج مبارك قهوتي العزيزة

the coffee and the picture made by me :p

ما نمت من سعادتي إن اليوم عيد

واااي بعيد ويا قهوتي أول قبل لا يقومون اليهال

أحلا بوستاتي أكتبها الصبح ويا قهوتي العزيزة

مزااااااجها مو طبيعي !؛

لي شميت الريحه يايتك من بعيد

و بعدين يمتزج طعم القهوة مع حليب المراعي كامل الدسم

الله عليج

شبي من الدنيا بعد؟؟

رواء ما بعده رواء

عيدكم مبـــارك و عساكم من العايدين و الفايزين

وتقبل الله طاعتكم يا رب

I Buy Sony Ericsson G900 !

from My heart

THAAAAAAAAAAAAAAAAAAAANKS ALOT!

الصراحة تحسفت على كل يوم ضيعته مع نوكيا

الله يالفرق

ما كتبت هالبوست إلا و أنا جربته و قريت المنيو كله

شنو فيه و شنو مافيه

شي ذكي و منظم

و اللي أهم من هذا كله

سريييييييييييع

تعرفون شعور إللي توكم شارين كمبيوتر يديد؟؟

أتوقع فيه مميزات ما إكتشفتها بعد

الله يعافيكم

وااااااااايد مستانسه عليه

الله يتمم عليي يا رب

سؤال؟

حق اللي يستخدمون التلفون

شلون أشحنه و أتكلم بنفس الوقت؟

لأن ماله إلا فتحه وحده

حق الشاحن و السماعه

تداركت هالمشكلة و ركبت عليه

blutooth headset

2nd

شلون أحوله عربي؟

إذا بكتب المسج؟

دخلت على السايت مالهم بس ماكو شي عن اللغة الثانيه

911 - mobile !

الموبايلات يننونا!!

أول ما رديت من سفرة الصيف و بما إن بالصيف يكون الإستعمال جدا عنيف و ما يبقى رصيف ما يضرب في فقررت أشتري موبايل ذرب
شنو كان مبايلي :
N95 8g

شنو شريت بعدين؟
E66
عيوب الجهاز
بطاريه كل فاضيه / لأن فيه روتيت سكرين / فكل معلق
إذا مس كووول ما أقدر أدق على الرقم لازم أسوي رستارت

تحملت ليه ما ما نزل ال
N96
شريته و إيتلشت فيه بعد
كأن طابوقه شكبرة
ثقيل
مليق شوي
الدقم اللي فيه واااايد لدرجة إن إذا بترد على أحد أو بتسكر التليفون يبيلك ربع ساعة تدور
و الدقم من الزحمة صغار
يعني إنسوا يصلح حق إيد ريال !
بدون مبالغه
11 دقمة


المهم هالكلام صارلي يومين بس
و كل ما أشوف الموبايل تلوع جبدي
لا أشتهي أدز مسج
ولا أرد على أحد
ولا إني حتي أدور أرقام




So I need your help badly!!!

مواصفات الموبايل إلألي أبيه:
Good looking not big!
You know when you hang it on wail your walking?

Easy going to the contact
( sending business card – each contact with multi number adding)

Smsing so easy with it:
Writing text ,

going back to mistaks ( I don’t need to delet the line to fix a word )

plus , coyping and pasting some info from another sms and go back to the other sms –

feeh menu el phone
Sorting option in the sms
( if i want to seach for sms from my friend X - i sort it by names )

No tuchscreen

Camera 5 pixel

Wi-fi

e-mail
( gmail work with it )

surfing the net
fast browsing and java support and Arabic support

Bluetooth
For ( headset – laptop and any extra devices)

Shift – Key
The shif key is to choose from a multi sms’s in the inbox then you delet them

( ya3ny ye7i6 3aleeh 9a7 - 9a7 )

I found this mobile sonyericsson
G900
وخايفه حدي من إني أغير من نوكيا ليه سوني

فإذا أحد مجربه بليز يقوللي
أو ينصحني بشي ثاني

Waiting for you all

( عندي شخص مدمن موبايلات سألته عن المواصفات - قاللي قاعده تطلبين معرس مو موبايل

ههههههه

شسوي يعني؟؟؟

هذي إستخداماتي كل يوم !