( this picture for your new post blue sky - 6:17 am )نشاطات الصيف
طبعا بما ان ديرتنا ماشاء الله تبارك الرحمن فيها كل وسائل الترفيه المتطورة والمتقدمة
( طنازه مو صج )
من بدا الحر و أنا بديت أمارس هوايتي القديمة قدم الأزل
و هي
Ice – skating
المكان الوحيد اللي عدل الصراحه
Indoors
Cold
2 ranks- big – small
مدرب حق اليهال
مفتوح من 8 الصبح لييييييييييييييييييه 10 بالليل
حسبوها كل ساعه ونصف و نصف ساعه راحه ينظفون الثلج ( أحلا شي عندي )
يعني المواعيد :
8-9:30
10:11:30
12-1:30
2-3:30
ets
7 أيام بالأسبوع حتي الجمعة
دربت بنتي الحمدالله
باقي الورعان إنشاء الله
أخليكم ويا الصور
والبراد
من بديت تصوير و أنا منقطه إنقطاع كلى عن المدونات
مع الصيف رجعت و لقيت إن لما الحين ناس تقرا
الحمدالله
و أخص بالذكر تقرا لي
( شرف لي إني أشوف تعليقاتكم بالمدونة و بدون مجامله وايد قاعد يفرحني )
المفاجئه الحين
مدونات يديده و ما دريت عنها إلا بالصدفه أشوفهم ضايفين مدونتي بقائمه المدونين دليل إنهم يقرولي بس ما يعلقون عندي
اللي بوصله
المدونين الجدد
و تفاجأت إن مدوناتهم أكثر من رائعه و أصلا تقايش أكبر الكتاب القدم بالتدوين
سواءا بطريقه الطرح ( الراقى )
الأفكار الجديده
الأسلوب الحلو
تدوين هادف
تدوين يزيدك و ما ينقصك لما تقراه
تحس بفرح
أجيال من الكتاب
مشاعر صادقه
طريقه سلسه بالكتابه
تحس بشي حلو لما تشوف كويتيين يكتبون جذي
فأرجوا لمن له مدونه جميله و راقيه و يقرا لي
إن يعرفنا بنفسه بتعليق
فقدنا الكلمه الهادفه
فقدنا صدق المشاعر
ملينا من الردح بالبلوقات
ملينا من السخافات
ملينا من التعليقات إللي وجودها يجرح ما يفيد
ملينا من مدونات تريد لفت الإنتباه بلا هدف
كبرنا نعم
خلونا نكبر بكلامنا
إللي بينا و بينكم مفردات و معاني
فيا نحبك و نقرالك نعلق
يا نضحك عليك و نرفع الجام عن بلوقك للأبد
موقف استغربت منه صارلي
عمي من تقريبا 3 أسابيع صارله حادث سيارة كبير و حتى الجرايد كتبوا عن هالحادث
الكل كان شاف حالتي بالدوام لأني فحطت لما ولد عمي إللي وياي بالدوام إيه و قاللي الخبر
من يومين كان مزاجي أو كي شوي حاطه حمرة حمرا إللي أصلا ما أحب أحطها
مو مكياج!
بس حمرة حمرا
اليوم الثاني
وحده ياتلي و أنا في عز إندماجي بسالفه بالتليفون
ريما!!
ريما!!
و تكفخ البارتشن يعني شوفيني
قلت حق ريلي بالتليفون لحظة شوي.....
نعم؟ خير عسى ما شر؟؟
جان تقوللي شلون عمج الحين؟
ريما : الحمدالله ، بس لما الحين بغيبوبه
البنت: ما يشوف شر إنشاء الله ، أنا عبالي صار زين لأنج أمس حاطه حمره حمرا
ريما: ( بداخل قلبي ) شعليه الحمرة الحمرا و إلا أي نوع لون حمرة؟؟
في أحد يعبر عن فرحه بحمرة؟
إذا حمرة فوشيا و إلا برتقاليه لها معاني ثانيه؟؟
رديت على التليفون و كملت السالفه ويا الأهل
بوفلان الحمرة الحمرا إذا حطتها البنت شنو معناها؟
أبوولدي: شيطانه و إغراء، ما أتشوفيني ما أحب تحطينها !
ريما : وي وي وي وي يا حسرتي
يعني ما تدل على الفرح؟
أبو ولدي: لأ طبعا!
( ليش سألته، بعرف وجهة نظر الرياييل )
السؤال الحين إللي ودي أعرف إجابته
شنو تعني الحمرة الحمرا حق كل واحد فينا؟
إعلانات ما أدري شلون صايرة
قاعدة أتصفح مجلة بستاربكس
فجأه عيني طاحت على هالإعلان!
أول ما شفته طقتني البوهه
إعلان مساج و لاحظوا الصورة لو سمحتوا
أترك لكم التعليق
من هذه المدونة أبي أوضح شغله بدت تختفي شوي شوي
و هي الحدود والاحترام.
لي بقوا يطلبون شي ( ماكو لو سمحتي أو لو تكرمتي)
على طووووول فلانه أبييييي هالشي!
و إذا تكلمنا و قلنا إنزين قولي لو سمحتي ، قولوا مشكورة
قامت القيامة
أنا مكبرة الموضوع
كلها ورقه إللي بتسوينها
شدعوه إحنا ربع ونمووون
يااااااااااادي الميانة إللي مش جايبه همها!
شي ثاني ودي أقوله:
كل بيت له طريقه معينه بالتربية
ناس يصرخون
ناس حارين
ناس ثلجة
مافينا نفرض سلوكنا على الناس غصب صيري نفسي
هالأيام إذا إنت مو دمك سخيف فإنت مو كووووول
لما ناس يقلون قلات أسخف من السخافة و ما أضحك فالعيب فيني ها لاحظوا
لما تييلي وحده و تقوللي ليش ما تضحكون لأن كلامها ( على قدر معين من قله الأدب ) فهذي شتردون عليها بالله؟؟
الرقي بالحديث جدا مهم
و الأدب جدا مهم
و شي أساسي
و حتي نبرة الصوت لازم تحترم إللي جبالها
على سبيل المثال عن نبرة الصوت:
أنا ريال وقاعد ويا ربعي محترمين كافين خيرنا وشرنا
شكو أسمع سوالف الحريم بالطاوله إللي يمي بالمطعم؟
بيني و بينكم أنا بالطاوله إللي يمهم تهولت من الموضوع
فما بالكم الرياييل
لكل وحدة أو واحد قاعد يقرا هالبوست
وفيه هالشي و مو حاس فيه
خل يراعي شوي إن في ناس تتأذي من تصرفات إللي حواليهم
حريتك تنتهي لما تحارش حريه إللي حوالينك
دمتم بحب و إحترام و رقى دائما بالتعامل
أغاني أغاني
وين ما تفتح تلاقي أغاني
و بعدين؟
خلاص ما لنا حجوة إلا هالأغاني؟؟؟
مزاجي من الأغاني غير
ما أحب أسمع مارينا و إلا محطة الغناء العربي
ما أحب أحد يفرض ذوقه الهيليقي علي!؛
اليوم واصله الدوام متأخر ، درجه الحرارة مع لغبار 42 لو ماكو غبار ترا صكت ال 47
بطلت مارينا و إلا محمد عبدو
يلبح يلبح لا لا مو وقتك كلش هالحزة!؛
أمبيييييه ما قدرت أبي شي ثاني!
محطة الغناء
و إلا أصاله تلبح بعد!
و أغير ما أذكر شنو حطيت
و إلا ( يا التاكسي)
لييييييييييييييش؟؟؟؟ لييييييييييييييييش!!!؛
ليش هالحزة هالنوعيه من أغاني الكدر ( بعد و هجران و سامري ممل مو مال رادو
هالأغاني بصوب
و الأغاني الساقطه بصوب عااااد
إللي ما أدري من أي مكان يايبينها!؛
لا موسيقى عدله
و لا كلمات راقيه
على قولت بعد الناس
أوووووفر أوووووووووووووفر!؛
خلاص هذا الذوق العام صار كله جذي؟؟؟
رحت الدوام نفسيتي تعبانه من إللي سمعته
يعني يا أغنيه سخيفه يا أغنيه ما تييب إلا الكدر !
ماكو أغاني سنعه صارت؟؟
يعني سي دي فضل شاكر ووائل جسار و إليسا و شيرين مكتوبلهم الإقامة الدائمة بسيارتي؟؟
رحمونا
الله يرحم حالنا بس وياكم
الموسيقى غذاء الروح مو إزعااااااااااااااااااااج للروح!!!
