شكلي بهد المواضيع الثقيلة و بجابل أصحاب العقول الصغيرة من لبلوغيرز
لاحظت الناس في تزايد علي التعليقات و كل واحد داش و بيدة عصا بيصلح تعليقات الناس ، ترا يا جماعة والله عيب إللي قاعد يصير و كبروا عقولكم إشوي ، البلوغ شي غير عن المدينه الفاضلة إللي إنتوا عايشين فيها و البلوغيرز فيهم من الزييين و الملتزم لييه الصايع الشيطان بس ونيس هههههه ، و إحنا إهني نحترم جميع الآراء بدون إسلوب القذف و الشتم المباشر.
والله صج كويتيين ماكو فايده كل ما إدخلوا مكان خربوه
إتلاقيهم هادين البوست و موضوعه و مجابلين التعليقات والمسكين صاحب المدونه قاعد يفاكك
يعطيك العافية أخوي هاهاهاهاهاها
إذا الكلمة إتقرقع بقلبهم ترا هذي فرصه حلوة لتهذيب النفس ، لأن التعليق جدام العالم ما يعكس إلا صاحب التعليق و ما يسوي عليه لو كان إللي متحرش فيه لسانه طويل و يهزأه جدام الكل ، يعني ما وصل وجهة نظره و تمصخر بنفس الوقت .
هل وده يثبت للبلوغيرز إن أهوا الصح و إحنا الغلط؟
ترا ما همنا لا إنت و لا وجهة نظرك ، بالنسبة لنا النك نكرة و طالمنا إن تطاول علي أشخاص ففقد إحترامه بعد
إشباقيلة بعد؟
رسالة حبيت أوصلها للكل صغير و كبير ، ركزوا علي الموضوع الأصلي و هدوا العالم خلونا إنشوف الوجه الخفي من الناس بدون أقنعة.
هي المتعة إنك إتشوف ناس غير ، و ترا الكل يدري شنو الصح و الغلط ، مو ناطرين تعليق من نكرة عشان يصلحون حالهم ، ماخافوا من الله و لا إستحوا من المجتمع ، راح ينصلحون من تعليق واحد ما يعرفونه و يناجر و هم ما إحترم الناس و جرحهم!
سؤال طرا علي بالي
ودكم التعليقات تكون المدينة الفاضلة و شريف أو شريفة روما و إلا أشياء غريبة و تنبهرون و إتقولوون ( بس بينكم و بين نفسكم ) واااااااااااااااااااااي أكو ناس صج جذييه بالكويت؟؟؟
عرفناه دلع وصارلنا ولع !
البلوق ، شي غريب و دي أكتب عنه و أبيكم إتشاركوني !
لييش البلوق ينتهي بشيين ، ناس ما يحبونه و ناس يدمنون عليه؟
شنو السر إللي فيه ، من عمر الدنيا و الناس عندهم صفحات و مدونات ليش هالمرة غير
لييش صار لنا إكتفاء ذاتي عن أي شي بالنت و أقصد الناس إللي أدمنته و إتجابله ، أهلنا إللي حوالينا قاموا يتضايقون منا ، مع إني عرفت النت من أيام العصر الذهبي كان مو شي يديد عليي .
ما ودي أاثر علي كلامكم إللي بتقولونه ، بس عن نفسي الإهتمام بكتاباتي و مواضيعي يعطيني الشعور بالرضا لأن التعليقات إتيي من ناس ما أعرفها ، فماكو مجاملات و هذا يعطي مصداقية
حتي الإنتقاد يفرحني لأنه مسكين قرا و تعب و علق
كان محد يدري عن إللي أسويه بالنت ، بس لما الإدمان وصل حده إعترفت للكل ، عشان مو كل مرة يسإلوني إشقاعدة إتسويين بالنت .
شنو الشي إللي يونسكم بهالعالم؟
هل هي المواضيع؟
هل هي كمية التعليقات علي الموضوع؟
الفضول لمعرفة الشخص و أموره و تصوراته و أهدافة؟
التعرف علي ناس و من ثم إضافتهم للمحادثة؟ ( أتكلم عن الناس إللي حاطين إيميل المسنجر مالهم)
هل إن ما تملكون الجرأة لنقل الكتابات للعالم الخارجي و بأسمائكم الأصلية؟
هل الجو برة وايد حر و قاعدين تقتلون الفراغ بالنت ؟
يالله قاعدة أسهل لكم الموضوع لأن من صجي أبي أعرف كل واحد و شنو لقى بالبلوق و خلاه يصير جذيه
ترا علي فكرة مو وايد مستانسة علي حالي و قمت أسهر و قمت أأجل مواعيد بسبته
بس أدري متى أخف عنه ، لما يتحسن الجو برة .
شريت جهاز المشي إللي بخاطري أخيرا و بعد معانات البحث عن أحسن جهاز و بسعر معقول و يحافظ علي الركب أهم شي ، خبركم بدينا نكبر و لازم إنحافظ علي اللياقة و المرونة و إلا يبيلنا بعدين بنجرجي يعابل فينا.
طبعا لازم إتعرفوني إني أحب أوثق كل شي
في قاموسي أكو أشياء إسمهم شيء لزوم الشيء، الشيئ عرفتوه ألحين و هو الجهاز
لزوم الشيئ شنو؟
I-Pod
عشان يركب علي الشئ
ههههههههه
الوهقة ألحين إبشنو؟
بسوي روحي سنعة و مقتصدة يكون ، إشلون أسوي داون لووود حق كل هالخرابيط
يعني أم- بي -3
و الـ دي- في- أي- أكس
و لازم يكون ببلاش لو سمحتوا و بدون برامج كونفيرت
فا يا شباب الكويت همتكم وياي كل واحد يشمر عن ذراعة و يفتل عضلاته و يعلمني عشان مشروع التوفير ينفع و أبين عند ريلي إني سنعة و عندي إكتفاء ذاتي من النت .
أحتاج سايتات للداونلووود و سايات برامج أقراها و إتفيدني عشان ما أدوخ راسكم
لازم إتعرفون الموسيقي أحبها عربي بس الأفلام أي شي ما يهمني و أهم شي توم و جيري
عشان يطخ ولدي عني
البرامج إللي عندي بالجهاز:
I-tunes
uTorrent
E-mule
سؤال ماله علاقة بالموضوع: لييش بس الشباب يعرفون بهالشي؟
و راح إتلاحظون إن البنات مجرد أشياء سطحية إللي يعرفونها
" Is it ok to have a Deep hiding Secret, to keep Skeletons in the Closet, do we all have Secrets that No others Know of ?
كل انسان في داخله اسرار مكبوته وكما يقال في المصطلح الانجليزي - يخبئ جماجم في الدولاب - فهل تخفون اسرارا خطيره ؟
