دشينا جمعيه كبيرة من طقت كارفور

كل الأماكن زحمه و من بين الكاشيرات أشوف واحد تقريبا فاضي

طرت و رحتله

مع لويه اليهال و كل واحد تالني من صوب

و إلا الأخت تقولي أي نوع جيس تبين؟

بو 70 سينت

و إلا بو 15؟

هالجمعيه أذكر زين إن جياستها ببلاش؟؟؟

ليش اليوم بفلوس؟

عشان عطله؟

المهم قتلها عطينا بو 15

و بين هاللويه

قعدت أنا أتحلطم بالكويتي

علي الجمعيه

الحين هم دافعين و هم يبيونا نشتري لجياس؟؟؟

و إلا أسمعها تقول بالأسباني

بيرسوناز لوكو !

أنا سمعت هالكلمة و عينكم ما إتشوف إلا النور!!!

جان أستعيد أمجاد ماضي دروس الأسباني!

سينيورا!!!

yo no estoy loca!!

يعني أنا مو مينونه

usted loca!

إنتي المينونه

yo hablo español

أنا أتكلم أسباني!!!

أنا من قلت هالكلمتين

لقيتها إتأسفلي

و بعدين قلبت إنجليزي

قعدت أقول

ناديلي رئيسج

هذه معامله تعاملونا فيها؟؟

إختبصت و إعتفست علي

و قاموا عطونا لجياس كلهم ببلاش

من الوناسه جان أقوم ألتفت علي وراي و إلا زوجي

قتله شفت شلون فادني الأسباني

هاهاهاهاها

لجياس طلعوا ببلاش

;)

بقولكم سر محد يعرفه إلا إنتوا الحين

بالكلاس ما علموني لوكا!

كنت أموت علي أغنيه جينيفير لوبيز

Aint it funny

و إذا رحتوا علي أول بوستاتي بتلاقونا هناك

أول المقطع تقول

Estoy

Loca

يعني أنا مينونه فيك

من هني عرفت معنى الكلمه

هاهاهاهاها

المسكينه مالت الكاشير لو مستخدمة كلمه ثانيه جان عبالي مادحتنا

هاهاهاهاهاهاهاها

حظها أقشر

Loooooooooooooool

كنت بالقهوة و هذا كان المنظر إللي مجابلته ما قدرت ما أصوره

الموضوع الحين

الكويتين ربعنا ما إيوزون من طبعهم في فرض الراي على الغير

سمعوا هالقصه أقصد إقروا القصه

:p

إتفقنا من الكويت إن ماكو عزايم غدا كلش كلش عشا و الله يعافيكم متأخر

بال11 أو 12

و إللي ما يبي قهوة و حلو علي المغربيات بال9

رحنا عزيمه الحلو

و كالعادة كل واحد يقول وين راح ويا عياله و شنو شاف

طبعا الأغلبيه العظمي

ينعتون مطاعم و قهاوي

آمنا بالله و قعدت مستمعه

كل ما يسألونا رحتوا؟

الجواب

لأ

هالمطعم؟

لأ

هالقهوة؟

لأ

بإستغراب منهم عيل وين تروحون؟؟؟

ما إتروحين الأماكن إللي نقولكم عنها و إللي ناعتينها ناس؟

الجواب

لأ مع إبتسامه خفيفه

ها عيل وين؟؟؟

أستلم الإستجواب أنا

ريما: والله كل واحد بالحياة له طريقه معينه بالسفر

أنا يايه حق عيالي

الصبح يا بحر يا حمام سباحه 5 ساعات لما ينهد حيلهم

في كلوب صغير حق اليهال يسوون أشياء حلوة

بعد الحمام السباحه والبحر الغدا حق اليهال بالبيت

لأن عيالي إعوب ما ياكلون كل شي

لازم عيش و دقوس!

ياكلون و أنا وزوجي نروح نشرب قهوة وحلو بالست

سبع نمشي اليهال بدون خدم لييييييييه 11

يتعشون يا بيتزا يا جكن نجت يا سباجيتي

يرجهون ينامون

و تبدي رحله المساء والسهرة عندنا

نرجع بالثنتين

أبدل و أستلم القصه و أقرا

أو كمبيوتر ليه 4 الصبح

أحط راسي و أنام

و بس هذا يومي

وحدة من القاعدين:

واااي إغلقه ما تونسون

ريلها رد عليها:

هذا السفر مو إنتي من سوق ليه سوق ليه مطعم جني داش تجنيد مو ياي أرتاح

ريما:

إشلون يومكم؟

من 2 ليه 2 بالليل ماكو قعدة

ومرتي ما إتحب البحر ولا حمام السباحه تخاف تصير سوده

ريما:

ماكو قعدة بروحكم؟ ماكو سالفه ؟

الريل : لا والله أقولج تجنيد

يبيلي رحله بروحي بدون هاللويه

رحلة راحه و إستجمام

إللي بوصله الحين؟ صج والله ليش حرام الواحد يقعد يقرا بسترخاء؟

و إلا يقعد يتكلمله كلمتين بدون لويه الناس ، قعدات تحدد المستقبل ،ورانا عيال

يبون عنايه و تخطيط لراحتهم

مو لهطه لهطه

و خصوصا إللي قاعدة وياهم من عمر الدنيا هني و كل سنه هني

ليش الواحد يبهذل عمره علي أبو عطله؟

مو لازم أشوف كل شي

مو نهايه العالم

قاعدة أكتب البوست و عيالي في عيونهم الفرحه ليش نازله مجابلتهم بالحمام السباحه

هذي وناستي

و إللي دازتلي مسج من الكويت تقوللي بسج بوستات

أقولج

أنا مدمنه نت ما أقدر أعيش بدون بلوق و بوست الحين

هاهاهاهاهاهاها

تعايشوا مع الوضع

Miss you wayid entay we3yalich :p

ممكن سؤال؟

إللي يدش نت بالسفر فيها شي بعد؟

هاهاهاهاهاهاها

من أحلى الأشياء بالسفر و إللي أحب أسويه دايما القراءة

من سفرتي لمصر يبت جم قصه لكاتبي المفضل

باولو كويلو

آخر كتاباته

و هي أيضا ممنوعه

علي نهر بييدرا هناك

جلست فبكيت

القصة تروي معتقدات دينيه و قصه حب بين رجل دين و إمرأة

نبذه عن الرواية:

يسأنف باولو كويليو في روايته رحلته الخاصة لاستكشاف أعماق النفس البشرية،والغوص في تناقضات الكائن الذي يوضع دائما أمام الخيارات الشخصيه الحاسمه للاضطلاع بمصيره الفردي.

رحله استكشاف الذا بحثا عن حقائقها الدفينة،و عن إختبارات المشاعر تجعلنا علي الدوام عرضه لشقاقات الطمأنينة والقلق، السعادة والشقاء ، اليقين والحيرة.

كانت بيلار تظن أنها سعيد فقد حصنت نفسها حيال الحياة والأمل والحب. غير أن المصادفات شاءت أن تلتقي أحد أتراب طقولتها و إتضح لها أنه حبي بالقدرة علي الشفاء و علي مخاطبه النفوس.

و إذا إختارت بيلار أن تبقي بجواره لبعض الوقت، عاوتها كل الأسئله التي طالما حسبت أنها صارت طي النسيان. وعندما أسر إليها بحبه ، راحت تشكك بجدوي حياتها السابقه، حائرة في أمرها، فهل ترضخ لشغفه بها وتفتح له قلبها ، أم تواصل عيشها الخالي من أي رجاء؟ تختار بيلار أنت تكون دائما إلي جانبه، في بذله كل ما يملك وكل ما حبي به من قدرات لخدمة الرب. ولكن هل يعطي من نذر نفسه لحب الله أن يساكن قلبه حب إمرأه؟

في هذه الروايه،يحاول كويليو أن يطرح بعمق مسأله التعارض الظاهري بين الدروب المختلفه التي قد يسلكها الأفراد لكي تتم لهم مصائرهم، لأن رحله سعيهم علي الأرض لا تكون مجديه إذا كانت خاليه من الحب.

من أجمل ما قرأت عن تعريف الحب

الحب أشبه بمخدر.في البدايه ينتابك إحساس بالغبطه، بالاستسلام التام.وفي اليوم التالي تطلب المزيد. لم يصبح إدمانا بعد، لكنك إستحسنت إحساسك وتظن أنك قادر علي التحكم فيه، تفكر في الحبيب دقيقتين و تنساه لثلاث ساعات.

( ولكن شيئا فشيئا ، تألف هذا الشخص وتصبح متعلقا به تماما.

وإذا ذاك تفكر فيه ثلاث ساعات وتنساه دقيقتين.و إن لم يكن علي مقربه منك، ينتابك الإحساس نفسه الذي ينتاب المدمنين حين لا يتوفر لهم ما أدمنوه،ومثل المدمنين الذين يسرقون ويتذللون للحصول علي ما يحتاجون إليه، تجد نفسك مستعدا لأن تفعل أي شي من أجل الحب)

الحب دايما جديد. ولا فرق بين إذا أحببنا مرة واحدة أو أثنتين أو ثلاثا في حياتنا. فإننا دائما نجد أنفسنا أمام موقف مجهول، قد يفضي بنا إلى الجحيم أو إلى الفردوس، لكنه دائما يفضي بنا إلي مكان ما. يجب أن نتقبله لأنه هو الذي يغذي وجودنا. وإن تهربنا متنا جوعا، و أمام أعيننا ترفل الأغصان بثمار شجرة الحياة. لكننا لا نجرؤ على القطاف. يجب أن نسعى وراء الحب حيثما كان الحب، حتى لو كلفنا ذلك ساعات وأيام و أسابيع من الإحباط والحزن. لأنه، منذ اللحظه التي ننطلق فيها سعيا وراء الحب، ينطلق هو أيضا لملاقاتنا ويخلصنا.

يا جماعه بناتنا صج غير

طلتهم علي سنع بالبورت

من بعيد تعرف الخليجيه من الكويتيه

طبعا عشان تكون لكم صورة واضحه عن المنظر

ما تعرف الأم من البنات

ما تعرف الريال الكبير من لصغير

لأن ماربيا بحر و تفسخ

ما تلاقي ربعنا إلا الأجسام صح

الويه زوغه البنات تاااان شغل عدل

ماكو مكياج

البساطه باللبس

صج في مزلط وايد

وقصير

هاهاهاهاهاها

بس حلو عليهم

كيفهم مالي شغل فيهم عندهم أهل

إذا تبي كويتيين إقعد بالقهوة الخضرة

إللي غيروا كراسيها الحين لي عنابي

بس ما نقدر ما إنسميها القهوة الخضرة

يوم السبت إللي فات

كان ليون ريتشي عنده حفله

السبت أنا قاعدة أشرب قهوة

و إلا هالزحمه!!!!

وي منووو؟؟؟؟

ممثل؟؟؟

لأ لأ هذا ليون ريتشي!!!!!

وي يا فرحتي!!!

أبي أروح!!!!!

أسأل إهني هناك أثاري حفلة باجر الأحد و ماكو تذاكر

غميضه!!!

لازم تعرفون في أغنيه هابه فيها قبل لا أيي

و مو من طبعي أسمع إنجليزي

بس هذي غير

لها ذكري حلوة

و حطيتها رنه

تذكرت كاريزما يوم تقوللي بكتب بوست

عن إللي ما إنتخيل نشوفه في يوم من الأيام

هالسنه شفته و تذكرت الأغنيه

إهداء لشخص عرفني علي هالأغنيه

With all the love and respect to you

Lady, Im your knight in shining armor and I love you
You have made me what I am and I am yours
My love, theres so many ways I want to say I love you
Let me hold you in my arms forever more

You have gone and made me such a fool
Im so lost in your love
And oh, we belong together
Wont you believe in my song?

Lady, for so many years I thought Id never find you
You have come into my life and made me whole
Forever let me wake to see you each and every morning
Let me hear you whisper softly in my ear

In my eyes I see no one else but you
Theres no other love like our love
And yes, oh yes, Ill always want you near me
Ive waited for you for so long

Lady, your loves the only love I need
And beside me is where I want you to be
cause, my love, theres somethin I want you to know
Youre the love of my life, youre my lady

لازم الكل يعرف إن الجو بالنسبه حقي يشكللي 90 بالميه من وناستي بالسفر

و إذا الجو حلو ما أحب أسوي شي ثاني إلا إني أستمتع بالجو

من 15 سبعه لي الحين ما طبيت السوق حقي

أصلا السوق 70 و خمسين بالميه تنزيلات

و بعد جم يوم قاعدين ينزلون البضاعة الشتويه

وين المشكله الحين؟

ربعنا الله يحفظهم

أنا السنه بس قمت ألاحظ تصرفات الناس وياي

بشوف أنا إللي فيني شي و أهما؟؟

كل ما إنسلم علي ناس

أول سؤال يسإلونه

وين إتغدون و إتعشون؟؟

ترا المطعم هذا فتح

و هذا أكله حلو

الواحد بالسفر من الخرابيط إللي ياكلها ليل نهار بس وجبه وحدة رئيسيه و أهيا العشا

بس الناس اللهم يا كافي دق بهالمطاعم إنتقام

لا وفي تحدي منو إللي يكتشف مطعم زين

و تخصصه شنو

و يفتحولك الأجندات و شنو تطلبون

أنا بيني و بينكم إتييلي الضحكه

لأني أروح حق هالمطعم

الصراحه تلاقيه لوعه

و إللي ناعتلك إياه أصلا ما يعرف ياكل

و إلا محل بيتزا أطلب عنده مرقه ماسالا؟؟

و إلا همبرجر؟

وين التخصص يا جماعه؟؟

cold like always !

Spain augest 2007-08-02

من يقول حر؟؟؟
أحلى جو

يالله تعالوا أسبانيا

:p

قاعدة أكتب من مكان حلو – بيتزا إكسبريس هالحزة الساعه 7 العصر اليوم قطيطه درجه الحرارة تقريبا 25 في بورت بانوس أنا و لاب توبي و زوجي يمي ميمعله هالأوراق يشتغل و أنا مجابه النت شوي ويا قهيوه و كيكه كاكاو و آيس كريم .

بكتب لكم قصص صغيرة للتوثيق فقط لا غير

مواقف تعلمت منها حق الزمن

قصه:

بعد لويه نهار كامل من جناط ووزن ويهال، دخلنا الطيارة بسلام

بما إن عندي يهال فدخلونا أول شي و خذينا أماكنا

آخر كرسيين بالجيه كلاس

وعيالي أول كراسي الدرجه السياحيه.

بدوا يدخلون الناس

أثنين واحد بالخمسين عمرة و مرته أصغر منه بجم سنه

صادف كراسيهم يم كراسينا

إستلم المضيف الريال الكبير

أنا من شهر حاجز أول كرسين علي اليمين ، ليش تعطوني آخر الكراسي؟؟؟

الشرهه مو عليكم الشرهه علي إللي راكب علي الكويتيه

أنا إنبهرت

تو الناس علي اللبحه والصيحه؟؟

إلتفت لنا ووجه الكلام لنا

الريال: أكيييد شالوني وحطوا ربوعهم ، الكويتيه كل يسوونها

لا و بعد مو دافع سعر التذكرة

مو إحنا إللي دافعين و بعدين قالينا ورا عشان ياااو قبلنا وخذوا الأماكن

الريال: لو سمحت إذا في مجال تبدل الكلاسي أنا من شهر حاجز المكانين

المضيف : إنشاء الله إذا قدرت أقول حق الناس ، أحاول

دخلوا الناس و إلا واحد داااق حديد و متيح و مرته وعياله و معاهم بيبي صغير

الريال شافهم هون ما لبح ، سكت و قعد مكانه

قبل التيك أوووف ، طلع 600 ألف كتاب إشي عن الرسول و إشي كتاب عن الوليد بن طلال و إشي مجلات شاريهم من ذات السلاسل

عبالكم مسك شي من هذا كله؟؟

همه الحين الناس

مناشب أمه محمد!

إن كح واحد خزه

إن عطس واحد و مش خشمه عطاه العين الحمرة

إذا يولي عيالي ما نزل عينه من عليهم

يتأفف

صراحه حرني

و أشونه نزل بروما

وإلا جان تهاوشت وياه

بفهم شغله

ليشه هالأشكال ليه دخلت بمكان عبالها شاريه الطيارة؟

تبي إتعنفق يا أخي

إدفعلك 200 زياده و إشتري راحتك