النجاح
كنت لاهية بالأسابيع إللي طافت بشيين مهمين بحياتي
بالدوام:
من شهر فبراير كنت من ضمن المنظمين لمؤتمر كبير راح يكون بالكويت إنشاء الله . أترقب النتيجه و راح أبشركم شنو صار تالي
حياتي الخاصة:
كان لازم أشترك بمسابقة التصوير للهواة كان تحدي بالنسبة لي وكسر حاجز خوف التجربة الأولي
النجاح:
النتيجة الأولي
15 متسابق تقريبا من أصل 120 متسابق تم اختيار صورتين من صوري ليتم عرضها بالركن الخاص لهواة التصوير الفوتوغرافي.
مشاركه النجاح :
لما تكون ويا شخص عزيز على قلبك و إييلك و يتعني عشان يشاركك النظرة الأولي لنتيجة تعبك و جهدك ( موقف لا يمكن تنساه له )
لما تكون ويا شخص إييلك منه مسج ( أشوف الفرحة بعيونج لما كنا واقفين وياج بالمعرض )
تقول الدنيا لما الحين بخير و الله لا يحرمني منج يا رب
لما يقولون لك إن النتيجة مشرفه ( من ناس لهم خبرة كبيرة بالتصوير) و إن الصور تعكس شي فيها أو رساله و إن لي مستقبل و لازم ما أوقف تصوير .
تحس إن قلبك يفرح من داخلك
لما إتييلي صديقتي إللي اكتشفت فيني هالفن بالتصوير و تقوللي وياي بالدورة ناس طابعين صورج و معطينهم حق الأستاذ عشان يبون يصورون نفسهم و نفس فكرتهم
و بعد شوي يدخلون علي المعرض و أقعد أشرح جنه صج !
واااااااااااااايد استانست !!!
لما يوصلني إيميل من بنتي تقول في :
dear mom,
do you feel you can win this contest. if yes say "I CAN" .you wonder why i sent you this message. well i will tell you, see our councilor "MS.JANE"teached us about "Togy The Test Taking Toccan" .you wonder who he is right!! well ............... ok! see he's a toccan that is smart, its just a cartoon.
Your daughter,
شكر خاص :
لكل من تبناني معنويا و معلوماتيا و تقنيا
و شاركني الخطوات الأولي لبدايتي
سواء سمع لبحتي
أو حنيت على راسه عشان أتعلم
لأصدقائي إللي تحملوني إن ما عندي موضوع أتكلم فيه إلا عن التصوير
لعيالي إللي خذيت من وقتهم و المفروض أكون وياهم
بالنهاية
لكل من قرأ و شاف صوري بفلكر أو البلوق و شجعني بإضافة تعليق أو نقد فادني بتجربتي الأولي.
أقولكم من كل قلبي
أشكركم جميعا
