Tuesday, October 10, 2006

إنتقام إمرأة


بقولكم سالفتي ويا الطبخ برمضان، أول ما تزوجت و يايبه اليهدة و كل يوم طبق أسوي و يوم طبقين مالح و شغل عدل ، كانت خالتي ما يعجبها شغلي، مو عشان أكلي مو حلو؟ لأ ، لأنها ما إتحب غير الأكل القديم، هريس ، تشريب ويا رقاق شغل بيت مو ما ل جمعيات،المهم لمدة 30 يوم تبيني أتعلم صب القفشة لأن عايلتنا الكريمة مشهورين من عمر الدنيا بهالخلطة السرية، وأقولها خالتي، ما أحب أسوي شي لازم أسوي واحد واحد منه، تقوللي كااا أمج أحسن وحدة تطبخ و مهتمه في بيتها و تشتغل و ما بقا كتاب طبخ إنجليزي قبل العربي عندها بالمكتبة.

أقولها خالتي أمي غير و أنا غير، أنا زوجي ما يحب إلا الحلو إللي داخل فيه سارالي كيك ، والأكلة لازم يكون فيها سوس و الباستا أكلته المفضلة، فكل مرا علي إللي يحبه ريلها.

تقولي، إيييه و أمه ماله خاطر عندج إتسويلي قرص عقيلي وإلا بلاليط وبيض وإلا محمر و إلا كريم كراميل،و إلا الكيكة إللي فيها هيل إللي أمج إطرشلي إياه حق القموس ويا الشاي حليب.

أقولها خالتي والله ما أستطعم هالأكلات من جذيه ما راح أعرف أطبخهم.

تقول ، أشووووف إتسويين ستيكات و باستات و لا يبقي كريمة حمرة ما إتحطين ، إسمالله عليييه ولييدي زاد وزنه من أول ما خذاج.

بقلبي ( لا حول ولا قوة إلا بالله ، شسوي ألحين ).

فقررت أطبخ ، و أصريييت أطبخ إللي يحبه ريلي حبيبي.

كل يوم في الثلاثين يوم بالشهر الفضيل تعليقات من نوعين، زوجي و حماي يصعدون أكلي فووووووووووووووووق السما و يا حلوة و يا زينة.

وخالتي الله يهاداها إتبط فيني بالقاع ، هذا ما ينإكل و ثقيييل و أحد ياكل هالأكل برمضان.

الحلو و ما أدراك ما الحلو، شنو هالأكل، و لييييش مو حلو كويتي، غريبة و إلا بلح الشام و إلا لقيمات.

هالكلام من 5 سنين، و قررت إني أطبخ بسكات حق ريلي بس ، عشان ما ينكسر خاطري ، وصية أبوي دايما حق ريلي ( حتي إذا الأكل مو حلو قووول حلو عشان إتشجع و تدخل المطبخ مرة ثانية، و إنت من وراها إمسحلك خبزة و يا جبن و إكل- هههههههههههه )

الزبدة:

بعد إنقطاع دام 5 سنين أعود بإنتقام بأكلة الله يعافيها كيتي حاطة لنا الوصفة، لييييش بنتقم؟ لأن لمدة 5 سنين قمت أسمع إني مو سنعة عشان ما أطبخ برمضان.

إشسويييييت؟

شريت 12 مارس و 2 سارالي و 2 قيمر و بدت خطة الإنتقام لأن هالحلو راح ينزل تحت، طلعت خروجية من الدوام عشان يمديني أسويييه و أنام بعدها.

الساعة 5:30 و الحلو نزل تحت ، تفطرنا و صلينا و وصل دور الحلو، جان أقوووم أقرف حق نفسي و أجابل القهوة التركية و أهيييييييم كما يهيم العاشق لمحبوبته.

في حلقة مفقودة، منو إللي مسوي الحلو، و أنا عمك أصمخ جنه مو لي، هااااو من ماعونة، ( كنت بسمع التعليق ) و فجئة تم الهجوم علي طبقي، يا حلوة بس ثقيل و ياكلوون ، ناطع بس يبيلة قلاااااس جاي بدون شكر يمحر، يييه دوووري وااااي يا حلوة جنة مال شوكولات بار ، يبيلة كاباتشينو.

يا أخي هالخدام ما يعرفون يسألون من ماعونة هذا !

خالتي؟ هذا ماعوني و هذا شغلي إشرايج فيييه؟

و أنا قشيانة من داخلي لأني سمعت كل التعليقات و بدون مجاملات المدح قبل الذم و هذا حدة أثلج صدري، عقب ما خلصنا جان أنادي اليهال ياكلونه لأن متعتهم الكاكاو.

أخليكم ويا الطبق ، صورته لكم، و الله يعيني علي تعليق إختي لوييير لأنها لاحظت شي فيني، ويوم صورت الصورة إتضحت الرؤيه ألا وهي، إن معاعيييني كلهم بيييييض و لازم الأزرق داخل فيهم .

مو عشان يمشي و يا ثييييم بلوقي


27 comments:

lawyer said...

LOOOOOOOOOOOOOOOOOOOOOOOL

والله واالله و انتي اتحلطمين و انا في بالي المااعييييييين
قايله بطل فيهم
شفتج كاتبه لوير
مت ضضضضضضحك


قبل الماعيين اسمحيلي

سامحيني يا ريما ترا انا ما احترمت حرمه بيتج
و بنشر غسيلج

اسمحيلي
يا ناس يا عالم سمعو قصتي

دشييت بيت ريما اول مرا
تبارك الرحمن
كل ابيض!!!!!!!

الارضيه بيضه
القنفات امقطه مدري اشلون قايله بيضه

ديكوووور ابيض
خشب ابيض
لاحظو وقته اول مرا ادش بيتها
و لا استحي

واااااااااي ريماا !!

بيتج ليش كلا ابيض
شنووووووووووو هذا ضيقه خلق!!!!!


لا لا فطوما هذا ستايل مودرن ياباني
!!

لاحظو اني عيووووووز هاا

اي مودرن ايطالي ؟؟

ريما:لا ياباني!!

اها
انطميت و سكت بعد شقووووول مالي شغل

يتنا القهوه
ابيض في ابيض

من باجر سيرت عليها
و ملون مرا سيرت عليها
كل يوم طقم غير
بس هم ابيض

ريمااااااااااااااا ممكن سؤال

تجهيزات الفنادق يوزعون عليج ابلاش
ليش كلا ابيض

!!!!!!!!!!!!

المهم يوم على يوم لقيت شي فيه ابيض و ازززززرق
استانست
انشرررررررررررح قلبي
اشووووووووووووووووووه تغير
هاهاهاهاهااهاهاهاههي


الي فيه عما الوان ووده يحس نفسه طبيعي
يسير على ريما يلاقي كل شي عندها ابيض و ما يتعب
لووووووووووووووول

عليج بالعافيه
و مداخيله العافيه

Fuzzy said...

هاهاها مظبطتج كيتي بالوصفات من العيار الثقيل
:)
والله برمضان الانتقاد يزيد وقت الفطور مع ان الاكل ماشاء الله اصناف وانواع الواحد يشبع بس مو شوفتها

يعطيج العافيه وان شاء الله تسوين صب القفشة واللقيمات حق خالتج وتاخذين اجر انج ونستيها
:)

Mamloo7a Q8ia said...

يا سلااام خووووش انتقام
انتقاام ناااطع و لذيذ
والله يا ريما طلعتي منتي هينه وتعرفين اصول الانتقام ويا كره لما الانسان يتعب وييب اليهده وما أحد يقدر وااااي شعور يذبح
واحلى شي وصف غرامياتج مع القهوه وايد استانست لاني انا لي غراميات معاها وطقوس لشربها راح اذكرها في البوست الياي

Unknown said...

لما أشوف هذا الصحن واللي فيه

أقول ويعة

وامسح على بطني

Unknown said...

اشكرررره بوووق؟؟؟؟
هذى كيكيتى اللى قتلكم عنها اول رمضان بس لو حاطة بعد قطع كاكو داخل معاه مثل سنكرز وتويكس جان طلعت خيااال
بس مضمووون الوزن زايد بعد كل كفشة

صحتين عليكم
وعلى فكرة انا مع خالتج ماكو على صب الكفشة
ذاك اليوم قبل الفطور ما برد قلبى الا بعد نقص رهشة وخبز ايرانى واستكانة جاى بعد الفطور

خودا حافز

لوير
واللى يرحم والديج صكى الكمبيوتر وانتى صايمة مالنا خلق بوووز :P

albandry said...

اللله وناسة
في احد ثاني يتحلطمون عليه غيري


خنت حيلنا يالجنات شفيهم هالخالات كله داقرينا مو كافي عيالهم

بس يلله لواحد يسوي حق عمره
بس تنسيق حلو

كيتي
امس بمركز سلطان واحد عند الكاكوات يعد المارس يبي 12 واحد
ودق تلفون على مرته
اكيد 12 مو زايد ولا ناقص
بعد شتبين يا ام الفناتق
فطالعته ودي اقوله نو مرتك اكيد بوووقر داشة على كيتي لوووول

وتسلم ايدج رييممماا

The Simper said...

awal shay 3awaafi.. looks super delicious ;)


thani shay to lawyer;),,

reema says she likes simplicity ;) and the most simple of all colors is the WHITE ;) so this is the answer to the question of white :)

Яeema said...

kitty
أول شي أنا الحلو كلش مو إمسويته حقهم، إمنزلته بشوف ردة الفعل

و لهالسبب إن ما فيه جوووز
لأن عيالي ما يحبونة فما زينته

مرة ثانية أسوي واحد حق الوالدة و أزينه و أصورة لكم

بس راح أحط 7 مارس و 1 قيمر و 1 سارالي كيك

هههههههههه


lawyer
حلالج والله نشري نشري

إشورانه


بس ما تكلمتي عن الدرايش إللي سكرتهم عشان يصيروم جنهم ماكي


loooooooooooooooooooooooooool

looooooooooooooooooooooooooooool

والله كنت مهمومة ووسعتي صدري بتعليقج

إيييدي إتحكني بكتب بوست عن إللي قاثني

هههههههههههههه
هههههههههههههه



ألحين إذا المرا راح إتهدد ريلها إتقولله ترا والله أنزل فيك بوست

Яeema said...

fuzzy
أولا أشكر مآزرتك

و ثانيا أكو طرق أخري للأجر راح أتعب إنني أسويها

بس الطباخ راح أسوي إللس أحبه أنا و عيالي و زوجي فقط لا غير

و إللي مو عاجبة خل يدخل المطبخ و يسوي حق نفسه صب القفشة


عيل إشخانت مطبخ الوزان مال تجهازات الفنادق مرزوز تحت؛


أنا صارلي 5 سنين أطبخ
و 5 سنين معتزلة المطبخ

ههههههههه

المقادير أزيد من 3 أشياء ما يدور عندي


mamloo7a q8ia
إييييي لا ناطع و لذيذ
قلبي أبيض بعد ما أنتقم بقوووزي

ههههههههه

أصلا ودي تسإلين لوير عن حالتي لما أشوف القهوة من بعيد يايبها الويتر

و لا لما يكون الجو قاتل و بريدات و الكاكاو يناديج

الله !!!!!!!!!؛

في بوستج الياي راح أكتب معلقة مو كومنت
هههههههههههه

Яeema said...

عاجل
سوووري بس ما فهمت شنو هدفك من ورا هالتعليق

زييين و إلا شيين؟

ههههههههههه



princess
إييييه تعلمي حق المستقبل

الخالات يبيلهم صبر أيوب

Яeema said...

mishari

أحط سنيكرز و تويكس!؛

أنا عشان يسيييح ال 12 مارس و أحووووسة و أخليه سموووثي


لو ضاربة هريسة وايد أسهل

أصلا هالأكلة المرفوض يكتبون عليها للرجال فقط


و بعدين أدري إنك عتييييج
يالله أعطيك الوصفة مالت أمي و خل أم لعيال إتسويلك إياها


مو كل أقولك أشونك مو ريلي
hehehehehehhee

ذوقك صعب مشاري !؛

و إستغفر الله و إللي يعافيك لا إتيبلي سيرة الرهش و الخبز

كومبنيشن مو قوي الصراحة

أول ياكلونة لأن ما عندهم غيرة ينإكل!!؛




albandry

إييييي حبيبت قلبي
وايد وايد أبشرج و لازم ردة فعلج الإبتسامة العريضة للخالة

و إلا بوز الريل يطلع من الجامة إلا ما إبتسمتي

و الله يعطينا الصبر ووساعت الصدر


إعجبتني كافي متحملين إعيالهم
ههههههههههههههههه
هههههههههههههههههههه
و أحفادهم بعد

Яeema said...

the simper !

no one understand me like you do !

specially that you work with the real estate , it means you have a vision

Kuwaiti said...

اوووه صب القفشه يابعد عمري والله هذي معشوقتي ومعشوقة عايلتنا بعد
اناا اضم صوتي لصوووت خالتج للأن كلامها صح
في احلا من الأكل القديييم قرص عقيلي ولقيمات وصب القفشه الخلاصه وعااد العصيده اللي صج صج اعشقها اممممم

اقوول ريما ترا الحلو القديم ما اييب الأمراض ولا السكر مثل اكلكم الحين

انتو من صجكم تاكلون ستيك على الفطووور ولا باستا ؟؟؟؟؟
اهم شي التشرييب والهريس اللي عليه دهن عداني مو دارسين اللي الله يزيد النعمه مثل اهل جبله والمرقاب

عبدالله الظفــيري said...

تسلم ايدج يالشيف ريما... الصراحه احلى كيكه لانها من ايدج... بس مايصير تحطينها برمضان شنو تبينا نفطر ؟؟
الصراحه هالنوع من الكيك احلى نووع كاكاو .. ذكرتيني بفيلم الي تسوي احلى كاكاو مو عارف اسمه

بنت الشاميه said...

امي دايما تضحك معنا وتقول اذا القوم يبقضونك اكل وبحلق بعيونك .
ما ادري ليش تذكرته وانا اقرا البوست بس تري عادي هذا يحصل حق كل الشناين عند الحموله خلي روحك رياضيه وشنك ما تشوفين شئ المهم ريلك وامه امرها سهل.
صحه وعافية

Unknown said...

اول شى تونىىىىى مخلص فطووور
وماكل خبز ايرانى ورهش
:))
صحتين على قلبى

Fuzzy said...

اسمحيلي ريما انا ما اوافقج الراي بما انج ساكنه ببيت حمولتج الخاله تستانس لما تشوفج مسوية شي ومساعدتها حتى لو كنتي شاريه شي جاهز
:)

بس عموما قواج الله دام انج دايره بالج على زوجج وعيالج والله يحفظكم

Яeema said...

kuwaiti
أنا أبخص فيكم و أدري شللي يدور في بالك
بس والله إنت إتدل بيتنا و ما أقول لأ كلش حق صب قفشتكم

هههههههههه

بقول والدتك العزيزة إمضبطتني بالمقادير

و بعدين أنا ما آكل علي الفطور
آكل بال12 باليل


وااااااااااااااااااي
واااااااااااااااااااااااي أنا عرفت ليييش ما أحب الدارسين!؛

زوجي من المرقاب و أمي كم جبلة
و يموتوووون علي الدارسين الله يزيد النعمة

واااي أشونك قتلي هالمعلومة برووح أرتز و أقولهم أنا من شرق
أنا أحب الهريسة علي زبدة

شرقاوية مودرن إشويه


وتقبل الله طاعتك و الحمد الله علي سلامتك ولد عمي



كليجا
ممكن أعرف من وين عالماعييين لصغار حق هالحلو؟


لأني ناوية أستبدل ال6 مارس بسنكرز

شكله يطلع قاتل


عبدالله الظفيري
هلا والله ، بالغالي

خلاص عبدالله بطرشلك إياه عشان تمدحني
تراني أحب المديح
ههههههه

إنت نوعك حلو مودرن و إلا حلو قديم؟

Bed0uin said...

LOOOOOOOOOOOOOOOOOOOOOOOOOOOOL waaay waaay!! ma7ib sowalef il7amawaaaaaaaaat wala khawat ilrayel! lazim yentaqdoooon 3omorhom ma emda7aw wen emda7aw emda7aw ghairech heheheheh bal bal bal ..

Baitech Mustashfa? hehehehe bas ham mureeeeeeeeeeeeeeeeeeeeeeeeeeeeeeeee7777777777777777777777777777777777 o yamshi ma3a kelshay!!

Яeema said...

بنت الشامية

أقووول أشونه باقي 10 أيام بس ، يالله هانت ، ياحلو إرمضان بس و الواحد يحمد ربه علي هالنعمة

والله لما يتحلطمون علي السفرة أقول داخل قلبي
*

اللهم لا تؤاخذنا بمافعل السفهاء منا
*

والله أتذكر المجاعات و أٌول الحمد الله
و في كل لقمة أقول الحمد الله في سري



mishari
عليييييك إب ألف ألف ألف مليووون عافية ، و مطرح ما يسري يمري يا رب

يبيلك بعد هذا شااااي كاشية

يالله حياك نصبنا الخيمة بجبد
و حطينا بوكسات الخيل

يعني حصانك إللي رازة بالصورة راح يلقاله مصفط

ههههههههه


fuzzy
لا حياتي لا مساعدة ولا بطيخ
خلك بعيد وسعيد

كل ما إتقوللي جذي أقولها بدلع
أنا مونسه ريلي و مو قاثتة و إمسويتله يا دهينة لا تنكتين

الطباخ مو كل شي
الريل يبي من يجابلة و يداريه ويوسع صدرة و يسمعلة

و بعدين إتطخ عني
تقوللي يا بنيتي سوي إللي إنتي إتشوفينه
هاهاهاهاهاها


عيل فازييي!؛
إشخانت المخ إذا ما إستخدمته لصالحك

;)

العيارة تنفع في كل الأوقات

Яeema said...

bedouin

loooooooooooooooooooooooool
طالع من جبدج هالضحكة حسييييت فييييج حبيبت قلبي إنتي والله



أشونه ما عندي خوات ريل ( حموات )؛

مفتكة

بس عندي مرت حما

بس مسيطرة على الوضع تماما




علي الأبيض
إتصدقييييييييييييين صاجة
فيني وسواس نظافة و ما خفي كان أعظم

ماعييين إيكيا الفخار البيض كلهم عندي



تدرين ليش أحب الأبيض؟
عشان أستمتع لما يصيير كونتراست بالألوان علي الصحن

أبيض و باستا حمرة و ريحانه خضرة عال الجنب


ماكون أ[يض و شوكليت بني و إتزينين الصحن بسوس فراوله و إلا بيري

kuwaitia said...

الخاله ساعات مايعجبها العجب الله يهداها يعنى انا سويت اشياء وايد عمرها ما امدحت شي قمت اسوي بس حق ريلي ولا انزل شي لانه ان نزلت ماتعطينى ويه وكله تعليقاتها انه شي عادى والكل يسويييه بس تظل خالتى ام ريلى لها الحشيمه

بس طبقج شكلهه لذيذ لانه احب الكاكاو

lawyer said...

the simper

روووووووووووووح والي يعافييييك
ماكلفت الصباااااااغ كلش
كلا ابيض
و الغرف بيض


لألألألألألأ يا وليدي لألألألأ

مو جذي عاد
هاهاهاهااه

عاد اتصدق اتصدص والله انا اموت على الابيض
احسه مريح بس على فكره ترا ريما تموت على الازرق

لكن كل شي عندها ابيض
تدري ليش
على قلبها الابيض
والله والله ياسمبر
يغض النظر عن سوالف الذوق و هالامووووور

بياض قلب رفيجتي و نصاعتها تخليك اتشوف كل شي حلو

الله يخليها حق اعيالها و بيتها و ريلها
و الخاله مقدور عليها اذا يت على صب القفشه


مشااااااااااااري
شوف اشحلاتي
والله توني داشه النت
سمعت كلامك
الحين الساعه 9
عقب ما شربت مطاره شاي
و قهوه و تركش كوفي

يازييييييييييينكم
اتهبلون حلوين حلوين

Unknown said...

لووووير

مو لايق تصيرين حليييوة وايد
:P

ثقلى شووووى :P :P :P

Bed0uin said...

عاد اتصدقيييين احب مواعيني بيييييض بعد!! عشان ابدع بالبرزنتايشن مال الاكل تلغبين بالالووواان عدل =)

ليلحيين ما عندي لا حموات ولا شيسموونهم هههه من كثر ما اسمع عن سوالفهم اتمنى اللي بياخذني لا عنده ام ولا خوات عشان افتك ما عوار الراس =P

Bed0uin said...
This comment has been removed by a blog administrator.
Яeema said...

kuwaitia

أكييييد لها الحشيمة و أهيا فوق الراس ، بس طباخ ما أطبخ

هاهاهاهاها


حدا حدا لذيذ و دي أسوييه علي سنكرز




lawyer

أمبييييه أحرجتيني ما أدري شرد عليج
الله لا يحرمني من صوتج ووجودج بحياتي قولي أميييييييييييييييييييييين





bedouin


بالضبط
أصلا العين تاكل قبل المعدة

ههههههه

الله يوفقج يا رب ، و صدقيني بس إذا سكنتي في بيت حمولة

بس مالج شغل فيه ميزة
عيالي كلا تحت عند يدتهم

ههههههههه