Tuesday, September 26, 2006

ذكريات حب قديم

قاعدة أسمع مارينا أف أم و قاعدين يتكلمون عن الحب الصعب ، يالله صباح خير ، مالي خلق أفكر بهالموضوع.

بس صج طري علي بالي كتابة عن شي ما أدري إذا صادفكم بحياتكم.

القصة الحين: ( حلم ها مو صج - مجرد قصة )

أحب واحد و أموت عليه و عطيته كل ما أقدر أعطيه من حب و حنان و إهتمام ، حبيييته صج و أهوا حبني علي قولته و كنت أشوف تصرفاته صج إتبين إن يحبني و في بعض الأحيان أحس إن يمشي معاي بس إذا إحصلتله فرصة لعب يقوم فيها فكان أول من يبادر فيها.


مشكلتي وياه إني أحبه ، بس ما أقدر أستمر وياه، والمشكلة الثانية إني أدري إنه يحبني و دايما يحاول إن إللي بينا ما يروح، بأسلوب حربي ، الكر والفر.

يرووووح يهف ما أدري عنه و فجئة أسمع قصة ما أدري من ويين إتبينلي الأسباب كلها و سبب إنه راح وكانت الأخبار إتييلي بالصدفة.

ما أدري هل يبي يشوف إشكثر غالي عندي؟

مو قاعدة أقولك إني أحبك و أموت عليك إشمالله هالتغلي !

تصرفاتي إتبين ، بعيوني ، بصوتي ، بضحكتي لما أسمع صوتك ، الوقت إللي قاعدة وياك و أسمعلك .

المصيبة فيني إني أمل و مافيني صبر علي الدوخة و عوار الراس يعني مو مالت حب ، وعندي أنسحب بهدوء لا أكرهه بعدين بسبب مواقف تصيل بينا و أخلي حبه بيني و بين نفسي و أستمتع فيه و أتحلي علي هالحب إللي بداخلي و أعيد الذكريات الحلوة بس بروحي .

لأن دايما عندي صعب إني أعامل إنسان أحبه و أحس إن أهوا مو عارف شنو يبي، يوم يحب و يوم يخاف إن يحبني ويوم ما يبيني بحياته و يوم أنا كنت كل حياته.

أسمع أخبارة من ناس و أفرح وايد ليه شفته ناجح بشغله و أشوفه و أتحلي عليه من بعيد ليه بعيد .

أحبه بس ما أقدر أستمر وياه ، تقوللي صديقتي إنتي ما إتحبينه و إللي يحب يصبر ، كنت أتحاوش وياها ، فهمي أحبه و أموت عليه ، بس كرامتي ما تسمحلي إني أستمر .

هدينا بعض ، لا تواصل ولا مكالمات و تعرفت علي ناس .

مر الوقت و مرة ثانية كنت شي حلو بحيات أحد ، ضحكتي غير و سوالفي مو نفس باجي البنات ، صرت شي حلو بحياته ، بدينا نتقرب ، ما أقدر يمر يوم ما أسمع صوته، ملى حياتي .

ساعات أقعد بيني و بين نفسي، هذا أنا ما تغيرت، سوالفي و روحي ما تغيرت

ليييش قلبي ما فيه إلا واحد. لييش عايشه علي ذكري أيام راحت

سؤال؟

أنا ما تغيرت ، أسلوبي و كلامي نفسه

ليييش أكون عند الشخص إللي أحبه عادية

و أكون عند أحد ثاني واااااااااااااااااااااااااااااااااااااااااااااااو وايد وااااااااااااااااااااااااو

بس قلبي مو معاه

مو شي غريب؟

36 comments:

lawyer said...

حبيبه قلبي ريما
شكرا على طرح مثل هذا الموضوع
باختصار
بوستج في موضوعين اساسيين

الموضوع الاول

الحب الصعب الي فيه معاناه
و انا انسانه احب هذا النوع من الحب و اتلذذ فيه

ما احب انساااان انا وياه جنه خبوووول حبني و احبك
برود ملاقه

اذا مافي فر و كر و خطط ما ابي
اذا مافيه مداحر هم ما ابي


و الموضوع الثاني
ليش انتي عند حبيبج و او ريلج انسانه عادبه وسوالفج عاديه

و عند واحد ثاني زميل او صديق في المسنجر او صديق في الدنيا
انتي واااااااااااو
و بمب
و عجييييييييبه
و برفكت
افكارج عجيبه
و ميت على سوالفج
و انج انتي انسااااانه فاهمه و عاقله و يتمنى يقعد وياج 24 ساعه

و الي عايشه وياه او الي تموتين عليه
مو مقدر قيمت الجوهره او الانسانه الي عنده !!

هذا السؤااااااااااال
وايد اسأله نفسي
يحر يحر يحر

الريايل تركيبتهم جذي
ما يشوفون و لا يحسون في قيمه الي عندهم لان عندهم
دايما يطمحون في الي مو عندهم
او يسعون وراءه
و الي يقهر
لما يقعد ويااااااج بعد فتره
يقوولج سكتي سكتي قعدت ويا فلانه الفلاني
طووووول و جمال و شكل و ويييييه و كانت في نظري شي
لكن وحياتج من ساعه وحده كلمتها فيها وووووووووووع
وووووووووع
ودي اسكر التلفون في ويها
ودي اقولها تكفين لا تطيحين من عيني اكثر سكري التلفون
!!!!!!!!!!!!!!!


تبين اكمل بعد و الا اسكت!!

The Simper said...

ردينا على هالمواضيع الي مادري من وين تطلع هيهيهي

أنا أحب التقدير أكثر من تقديري للحب

التقدير عقلاني أكثر والحب مشكلته العاطفة وانا ما أنفع بالعواطف حيييل مو شي

ومثل ما قالت لوير.. سوالف كر و فرررر ...اييي ليييش؟!؟!؟
دام السالفة حب؟ ليش امسوينها حرب؟

هاذي المشكلة.. اذا الحب مو مبني على اساس سنع

اذا حب أي كلام اتصير فيه سوالف الكر والفر

بس اذا اكو تقدير صجي.. ايصير شي حلو وراحة لكل الاطراف

وسلامتكم اجمعين

sOulvOice said...

امممم ليش ماتقلبين المعادلة

ليش فلان ماله قبول عندي مع العلم قد يكون شخص كامل امكمل بينما شخص آخر مترووس عيوب ولكنج حابته ومتقبلته بكل مساوءه

بصراحه ماعندي اجابة مقنعه لاني مؤمنة ان الحب مايخضع ابدا للمنطق والتحليل



اميل لراي كيتي

Mamloo7a Q8ia said...

موضوع عجيب
انا اعتقد ان اللي تحبينه ضامنج وعارف انج تحبينه على كل عيوبه.. وعشان جذي ما يتلهف لج ويشوفج انسانه عاديه وهذي المشكله في انج تبوحين بقوه بحبج .. لازم تخلين الريال بحيره وما تضمنيله حبج وشوفي شلون بيشوفج عقبها.. وطبعا لاننا من القلوب اللي مو بسهوله ننسى مهما صار فالحبيب دائما في القلب ما يشاركه احد.. والشخص الثاني لحد اللحين ما ضمن حبج فيشوفج واااااو

والانسحاب من الحبيب الاول مهما تكون صعوبته وانتي تحبينه احسن من انه يجي يوم تكرهينه وتكرهين نفسج انج حبيتيه
وشكرا على هالموضوع

Unknown said...

على قولة المصريين
القط ما يحبش الا خناقو

شوفى فى شى اسمه كيمياء الحب وهذى ممكن تكون شئ غريب ما تعرفين له اجابة
يعنى وحدة ذكية ومخ وممتازة ولكن تطيح بواحد غبى وتموت عليه وعندها اهوا احسن ريال بالدنيا والعكس صحيح تماما
فاللى قالته كيتى وسوول فويس صحيح واتفق معاهم فيه

( Mamloo7a Q8ia )

جذى خطط ؟؟؟ بل وليش تخلون الريال يتحير شنو هالنحاسة
:))

Anonymous said...

الي يبينا عيت النفس تبغيه و الي نبيه عيا البخت لا يجيبه

bo9ali7 said...

عبدالوهاب يقول
"
بفكر باللي ناسيني..وبنسى اللي فاكرني
"

ترى انا توصلت حق معلومة..قلييييييل اللي يحب شخص يحبه..حب صجي مو خرابيط

enter-q8 said...

ما ادري بس اذكر اني سمعت برنامج هم على المارينا يتكلم عن الحب من طرف واحد

اللي لو ع جبدي فيه

ان المذيع قاعد يقلد مذيع مصري لأذاعة مصريه اسمها
نجوم اف ام

و مع الاسف لا اهو اللي عارف يضبط تلقائيته ولا الاعداد و لا الموسيقي اللي تتماشى مع الموضوع

و لا حتى اللي يشاركون

انا اقول مارينا

خليها
على شيطانة الشايع و الدغيشم وايد افضل

جمبووووو ليه جمبوووو ليله

Яeema said...

lawyer
مو كل أقولج يا مدور الهين ترا الكايد أحلا

هاهاهاهاهاها

يسوي أكشن قوي
---------------------


الموضوع الثاني

والله ما أدري شقولج

بس عندي تفسير متواضع
إللي بيدج غير

الريال مثل الياهل كلا يبي إللي ما عندة ، وليه صار عندة شبع منه و يبي شي ثاني


إللي يحرني المقارنة صج
و بعد المقارنة يكتشن إنه غلطان

إشعقبه عاد
بعد المقثة والحرة

إحنا نسامح بس عمرنا ما ننسى




the simper
تطلع هالمواضيع من مجتمعنا الأنثوي و إختلاطنا ويا الناس

من بعض ما أسمع و أشوف



والله كلامك عدل علي الحب السنع

بس المشكلة إنك ما تختار إللي تحبه

أتوقع أكو نوعين

حب تعود و هذا تنساه بوجود أحد يسد هالتعود

و حب إللي ما تقدر تنساه أهوا الحب إللي إتحس إنه جزء منك و إذا تبي تنساه معناتها إنك تبي تنسي شي حلو بحياتك

و هذا الشي جدا صعب

Яeema said...

kitty
أعرف والله أعرف
إييي بالضبط إتحسين صج إنج بس ما تبين تسميع أي كلمة زيادة لا تنجرح الصورة و تروح ملامحها إللي في بالج

تبين إتحافظين و إتحافظين بقوة

بي الظروف دايما أقوي




تفسيرج منطقي 100%؛
و صحيح

عشان جذيه الإبتعاد هو الحل
إلا إذا لها خلق العبالة؟
هذا شي ثاني أنا مالي شغل عاد





soulvoice

ماله تفسييير كلش والله
بس يمكن إللي نبيه و ما إنحصلة يكون غالي بعيونه

و أنا معاكم تفسير كيتي منطقي

Яeema said...

mamlo7a q8ia

والله العظيم أكثر راي إقتنعت فيه أنا شخصيا


ما أقدر أضيف عليه شي

أخاف أخرب الكلام


و لا كلمة تكرهين نفسج إنج حبيتيييه

والله يبتيه ييييب





mishari
لا هذاك أول ، أيام الجاهليه
هاهاهاهاها

إحنا إنحب الأكشن مو القمتة و الزناط



أنا أتفق ويا كيتي بنقطة
إنه مو لاقي فيها إللي يبي

مثل كنت أسأل سؤال البنات
إتعيشين ويا إللي إتحبينه و إلا إللي يحبج؟

طلع الأغلبية ويا إللي يحبني



و لو سمحت كلام مملوحة كويتيه 100%؛
صحيح

حلات المرا غامضة الريال يحب يكتشف و يشوف ، فإذا عرف كل شي فيها مل منها

ما إتشوف الشرع محلل أربع

كل 10 سنين إخذلك وحدة
هاهاهاهاها

Яeema said...

3eshtaw
إيييه والله




bo9ali7
أول شي مبارك عليك الشهر
ثاني شي فاقدينك و فاقدين كلماتك الحلوة


و أنا وياك محد يحب إللي يبيه


;)




enter-q8

والله يا بو وليد عندما مشكلة بالكويت

إستخفاف بعقول المستمعين والمشاهدين

لو يستوعبون هالكلام
جان سمعنا شي بالرادو غير ال بي بي سي

عبدالله الظفــيري said...

انا ماراح اعلق اخاف يصير شي .. فافكار الاخ مشاري على قلبي مثل العسل ونفس افكاري وتسلم ايدك ... واكيد ريما لازم تحاربك والله يعينك .. وانا بعلق باشعار وبس على شان رمضان كريم وصايم ...


في الحب لاتظهر غلا من توده ... ترخص بعينه وانت من كان غالي
اذا ابتعد ابعد بعادك يرده ... وذا اقترب اثبت سواة الجبالي
--------------------------------

تحسب ان الهوى ضحكة دقايق عشتها بميعاد .. إلا من رحت تنساها وتنسى الوعد وتنساني ..
الا يا صاحبي الرفقه ترى ماهي ثياب جداد .. تبدلها متى مليت وتلبس غيرها ثاني
---------------------------------


كفى منك.. ومن حبك.. ومن حلم ٍ غدا كذاب=انا ياصاح من طبعك.. ومن كثر الألم مليت
زرعت الهم في قلبي..وفي دربي زرعت غياب= تناديني ويوم اني اجيك بلهفتي.. صديت!!
تحايلني.. وتروي لي.. معاذيرك وبعض اسباب= وحين اني بديت انسى اشوفك للأسف رديت
انادي لك ولا تسمع!! وتهجرني بدون حساب= وليتك قلت لي مره عن اللي صاروش سويت؟
---------------------------

كافي هالتعليق واللبيب بالاشارة يفهم

عبدالله الظفــيري said...

نسيت شي ريما بس نصيحه حطيلج مدرس خصوصي عربي انتي وام جنطه بدلياتكم تارسه بلوغاتكم ..

كنت أتحاوش وياها ، فهمي أحبه و أموت عليه

اتحاوش هههههههههههه بس هم حلوه

Dr. Saleh said...

أنا أعتقد إن الرحمة والمودة والعشرة والإحترام المتبادل والتقدير هي من أهم عناصر الحب
ولكننا دائما نطمح إلي الحب العنيف والرومانسية الجامحة والتي كما قالت د. فوزية الدريع لا نراها إلا في قصص الحب والأفلام الرومانسية

أما بخصوص الشخص الثاني اللي تكونين عنده وااااو، جابليه 24
ساعة وسوف ترين إنه بعد فترة إتصرين عاديه
وإخذي بداية زواجك وحياتك الأن كمقياس على كلامي ، كان هناك رومانسية وحب، أما الأن فمودة ورحمة وعشرة و تقدير وإحترام وإن كانت لا تخلو من الرومانسية في كثير من الأحيان
وعلى فكرة أللي يحب حب صادق ما يترك حبيبه، والظاهر كما في القصة لا يوجد حب صادق بين الحبيبين، وهذا يستشف من بعد الحبيب وسهولة تغيير الحبيب

Kuwaiti said...

ريما انا ما اقدر اظيف للأن ماشاء الله ماخلو شي

ريما ترا الرياييل يحبون بس مو نفس المرأة لمن يعبر بحبه مو شرط يعبر بكلام او بأحاسيس يمكن يعبر بفعاله

يعني المرأة عندها لمن يقول الرجل احبج عندها اعظم كلمة بس عند الريال كلمة عاديه مثل سائر الكلمات

والمرأة بطبيعتها العاطفه والحب عندها اكثر من الرجل

ريما يعني عندج انا ما اعترف بالحب قبل الزواج لأني اعتبر الحب مخزون يمكن ان ينضب اذا وزعته على اكثر من وحده قبل الزواج فأفضل اني اخليه حق ام عيالي لأنها اهي اللي باقيتلي واللي تستاهل

اقولج اخر كلمه من اخو ( حبي ريلج من كل قلبج لأنه انا ظامن انه يحبج ) انا ما قلت جذي الا للأني من النوع اللي احب بس ما عرف اعبر عن الحب


Lawyer

بخصوص الموضوع الأول ترا الرجل يمكن مقدر الجوهرة اللي عنده بس مو قادر يعبر عن تقديره

وبعد الريال اللي ما يقدر قيمة اللي عنده ويروح يدور على ثانيه
او مثل ماقالو الرجل مثل الطفل يبي كلشي ولمن يشبع من اللي عنده يروح يدور غيره
اسمحيلي اقول انه مو كل الرياييل جذي
اللي يسوي جذي هذا اساسه مو سنع

وسلامتج :)

Kuwaiti said...

dr.Saleh

انا أأيد كلامك وهذا العدل

Яeema said...

عبدالله الظفيري

توني كاتبه هالجم بيت

للأمام الشافعي



تعمدني بنصحك في انفـرادي
وجنبني النصيحة في الجماعة


فإن النصح بين النـاس نـوع
من التوبيخ لا أرضى استماعه


وإن حالفتني وعصين قولـي
فلا تجزع إذا لم تعط طاعـه

Яeema said...

dr.saleh

أتفق وياك
البعد يولد نوع من أنواع الحب الجنوني

و هذا إللي إنشوفه بين المتحابين بدون زواج

و سألت مرة شخص
لو إللي إتحبها تكون جنبك علي طول بتعاملها بنفس الطريقة؟

و بدون تردد جاوب أكيد لأ
راح إهيا تفهم بعدين إنني أحبها بدون كلام أو أفعال


فأتفقد وياك هالمرة 100%؛

Яeema said...

kuwaiti

حبيب قلبي القصة مو صجيه بس إتصير بمواقف معينه

الحمدالله أنا عديت هالمرحلة و عرفت إن الرجل حبه مشروط بشي

يعني
لازم يشوف عشان يحب
لازم يعيش وياها و يشوف منها مواقف عشان ما ينساها

و هذا إللي بوصله
إن الحب عند الرجل قبل الزواج مو موجووود


يمكن نعطيه مسمى آخر
ود ، مجاملة ،تعود


عن خبرتي بالحياة
ريلي ما بدا يحب إلا لما صرت أم زينه
صديقة له
زوجة
أم
وواحد من الربع

و طبعا لازم البوز ما ينمد كلش كلش


و أنا إللي بدورلك علي مرا

بس بقولها ترا ما يعرف يعبر عن حبه
هاهاهاهاها

الله يحفظك من الشر يا رب

إنزين تزوج إمبجر قبل لا أعيز بليييز

هاهاهاهاها

Mohammad Al-Yousifi said...

:)

hi

Яeema said...

kila ma6goog
:)
halla walla eshlonik shakhbarik?

Warda said...

khooosh mawthooo3 :)

la ta36een il rayal wayh wayid oo shoofay ishloon yel7egich :)...min ye3aref il rayal inich it7ebeena yadhmen enich ma ra7 itkhaleena ib sohooola fa yeg3ad yesawi hal 7arakat ili itnarfez :)

Fuzzy said...

غريب
غربة
غراب
غريبه

LonDonY said...

سلام عليكم
اول شي باركوولي
شكلهم راضيين علي
اقدر اعلق الحين

والله خوووش موضوووووع يا ريما
ومن المواضيع اللي دايم تشغل بالنا

يعني الشغلة اتلخص في شي اسمه
صفـة القبـــول

صفة القبول مو شي الواحد يقدر يطوله بكيفه.. لا منطق يشفع ولا كفاءة.. يعني مو 1+1.. المنطق ماشي في امور كثيرة في حياتنا لكن بهالزاوية .. مو مترقع

واحنا نتعب اكثر واكثر اذا نبي اندخل المنطق في مثل هالامور غصب طيب .. وعادة الشي اييي منه ومن نفسه بدون مهارة/شهادة/كفاءة/ميزة تذكر

بالنهاية الله سبحانه له حكمة في جعل صفة القبول سر كبير نجهله في حياتنا .. يمكن عشان نعيش اللحظه ونستمتع بالشي اللي مو حاسبين حسابه

دشيت بمواضيع ثانيه ولا تراوالي ؟؟
فرحة رفع الحصار اتخلي الواحد يهذي ساعات.. طولي بالج

الحجيه said...

السلام عليكم جميعا

تبين تعرفين ليش ريم ؟
كاتب القصة يعرف ليش .......سئلووه

تعريف الحب
عرف الحب بأنه شعور نفسي وإحساس قلبي وانبعاث وجداني ينجذب به قلب المحب
تجاه محبوبه بحماسة وعاطفة وبشر..والإسلام بنظرته الواقعية اعترف بهذه الظاهرة المتأصلة في النفس البشرية
***
يقول سبحانه وتعالى
{زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ
وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ}
***
للحب (6) أنواع

(3) نافعة

1) محبة الله تعالى
2) محبة في الله تعالى
3) محبة ما يعين على طاعة الله تعالى
***
(3) ضارة

1) المحبة مع الله تعالى
2) ومحبة ما بغضه الله تعالى
3) ومحبة ما تقطع محبته عن محبة الله أو تنقصها
***
أنواع الحب الحقيقي

وأحلى الحب .. حب الوالدين
وأدوم الحب .. حب الكمال
وأروع حب .. حب التوبة
وأصعب حب .. حب الفراق
وأندر حب .. حب الموت
وأول حب .. حب الدنيا
وأعظم حب .. حب الفضي
وأقصى حب .. حب الشوق
وأنقى حب .. حب الجهاد
وأنمى حب .. حب الصديق
وأصفى حب .. حب الأطفال
وأغنى حب .. حب الناس
وأغلى حب .. حب الوفاء
وأقرب حب .. حب الصيام
وأبهج حب .. حب الصلاة
وأقبح حب .. حب الذنب
وأعف حب .. حب الشرف
وأذم حب .. حب الذات
وأفضل حب .. حب النقاء
وأكبر حب .. حب من حولك
وأثقل حب .. حب النفاق
وآخر حب .. حب المعصية

منقول نرجو الإفادة للجميع

Яeema said...

warda
هلا والله بالطش والرش
إمبارك عليج الشهر


الريال يحب إن يتملك الشي فمن يحس إن هالشي بيروح عنة فيغلا بعينه

تفسيرج صحيح





fuzzy
ما غريب إلا الشيطان





londony

والله حاولت أربط مو ما حاولت بس إنت الظاهر من الشطة والوناسة ما تقدر إتعبر ما في داخلك

والله مطوله بالي حييييل
و حياك الله
و الله يهداك لو مسوي لوووق مؤقت بس لا تحرمنا من طلتك بالكومنت

بس هم يالله المهم إنك الحين ويانا
:)




الحجية

دايما معلومة مفيدة
أشكرج

بس لييش حب الذات مو زين؟
أنا أحب عمري والله و ما أرضي عليها إبهالطووول!؛

Fuzzy said...

كل هالقصة حلم ! أحلام اليقظه ؟

:)

انزين كملي الحلم 30 يوم وسويه مسلسل هاهاها

ونسمي المسلسل " ريمه وأحلامها الاليمه " شرايج ؟

Яeema said...

fuzzy

تمويييه
هاهاهاهاها

Mamloo7a Q8ia said...

مشاري:
------
للاسف هذي الحقيقه المره ولازم تعترفون فيها يا معشر الرجال انكم اذا ضمنتوا الطرف الآخر يقل شوقكم له ولهفتكم عليه ومع هالخطط وعسانا نلحق راس وياكم
ولازم شوية نحااااسه
:)

نون النساء said...

بيني وبينج ريما ترا الحب كائن ضعيف واعمى
واعتبره القشرة الخارجية لأشياء أجمل بوايد

الريال
ممكن يحبج انتي
وما يشوف انسانه تستاهل مشاعره
ووقته إلا انتي
ويشوفج انسانه متميزة وعلى قولتج واااااو
بس يقعد يقول هالشي

no way ..

ايلين ما يخليج اسلوب تعامله معاج تكرهين الساعه اللي شفتيه فيها..

بس هم تحبينه...
لوووول

ما اقولج الحب اعمي




انا لما يكون عندي جوهرة ما أحس بقيمتها إلا اذا ضاعت مني
أو شفتها بيد غيري

الريال جذي المرة عنده مثل الجوهرة
ما يحس فيها إلا صارت بيد احد ثاني

عبدالله الظفــيري said...

قصيده قويه بمعناها وبوقتها من عيوني ريما وحاضر بس شلون اعلمج ؟؟؟
وتسلم ايدج يالحجيه دايم يعجبني كلامج وتعليقج ومواضيعج الي تفيد وتسلم ايدج يالحجيه :)
اتمنى الي يقرا كلامج يستفيد ويفهم كلامج ......
ريما مايصير تحطين بوريما ... ما اقدر اسكت لين اشوف بوست وما اعلق عليه ايدي تحكني وعليج مني ماراح اعلق 4 ايام من اليوم :(

The Simper said...

just want to extend my gratitude to you and thank you for the listing :)

Яeema said...

mamloo7a q8ia

صاجة



نون النساء



بس تدرين أقولج من خبرة

المرا همن من العشرة ويا إللي تحبه سواء زوج أو حبيب تبي إتشوف مواقف يثبت هالحب


و الله لا يورينا غلات شخص
هالكلمة كنت أسمعها و أقول يعني و إذا الموقف ما يييه؟

ماراح أشوف شي؟
بس سبحان الله الدنيا إتوري و إتعلم الكثير


و كل شخص بالنهايه له طريقة بالتعبير
سواء مرا أو ريال

ياما ناس طيببين في بيوتهم و إتلاقين الريال يدور علي الأكشن برة

يقول مرتي خوووش أم حق عيالها بس مو لييي أنا

Яeema said...

عبدالله الظفيري


ملاحظاتك لشخصيتي و إنتقاداتك إللي خارج موضوع البوست تقدر إتدزلي إييميل فيهم

وايد ناس سوو جذي
إللي بلوقي شكله مو عاجبة
إللي الصورة عووويه

الخط مو واضح

أقل بدليات علي قولتك

لازم إتعرف سر بحياتي
أنا مو وايد زيينه بالعربي

و معروفة إن بدايتي إهني كانت باللغة الإنجليزية


للملاحظات
حاطة إيميلي خاص فقط بالبلوق


أفا والله يا عبدالله
لا مو قصدي جذيي

دامك حلفت 4 أيام فأنا بنطر الأيام الأربع إتخلص و أنزل بوست يديد

مالي خلق أدفع كفاريتك
هاهاهاهاها

لا يبا بيتك و مكانك


شلت اللقب خلاص
عشان إتعرف إن قلبي أبيض و ما أشيل على أحد

Яeema said...

the simper !
i want to add you forom long time ago!

dont thank me dear , it's an honorable to have you in my list .

;)