Monday, July 24, 2006

زمن الحب راح و راحت أيامه


أصعب ما علي الواحد إن قرارة يكون مو بيدة ، الحرية إللي أبيها ما إتأذي بس إللي يأذي لما الواحد ما يعرفك و يحكم عليك من قعدة وحدة .

قاعدة أتناقش ويا وحدة و يا كثر مناقشاتي إللي ساعات أحس إنها مالهي معني ، إتسويلي عوار راس عالفاضي.

سؤالي كان

لو ما كنتي في هالوقت إتهقين أي زمن تبينه؟

جان علي طول إترد زمن الحب ويا عبدالحليم

بس لازم أقولكم شغلة بسيطة ، الجواب ما تخيلته إن راح يطلع من إنسانه ملتزمة وايد وايد لي أقصي حد

المهم بما إني إنبهرت من الرد لأن عبالي بس أنا إللي أبي هالزمن بس زيادة عليه أبي بلوغي عشان أكتب لكم عن مغامراتي ويا عبدالحلم

سوووري شطييت

سألتها مرة ثانية

صراحة ما تخيلتج تبين إتحبين ـ مو كل تقولين عييييب و هذي سوالف يهال و من هالحجي

جوابها

الحب شي حلو بس للأسف تدنس لما يقترن بالجنس

أنا ( و طاقتني البوهة للمرة العاشرة)

شنووو إشتقصدين؟

يعني في مجتمعنا لللأسف الحب عندهم مدخل نهايته الجنس و خراب لبيوت

لو كل واحد فتح قلبه صج و صان إللي يحبها جان شفتيني أول وحدة خذيت عن حب بس للأسف نوهم روحنا إن الريال يحبنا لأنا نخاف إنواجه الحقيقة.

تبين إتفهميني إن الحب إلمجرد الحب إختفي؟ مي بشارة والله

ما أدري شقولكم بس كلامها خلاني أفكر مرة و مرتين و ثلاث علي إللي قاعد يصير بمجتمعنا الأنانية زايد و الكل قام يدور وناسته بصوب ، يمكن الشعور إن الدنيا بتطير عنا؟

نبي نلحق على كل شي و مع أي أحد

نجرب نجرب ، ماكو إستقرار ولا أمان من الصوبين

كل يوم الواحد يسمع قصص و سوالف إتشيب الراس

ما ندري صج إللي يقولونه هالناس

و إلا يبون أي شي يتكلمون عنه و عاجبتهم الآثام إللي إتي من وراه

قعد أفكر إشوي بهالكلام

و طرت علي مقارنة بسيطة

البنت الزينة و المحترمة و مالها علاقة بأي شاب بس فيها عيب واحد

إتدخن بينها و بين نفسها

في بنت ثانية هم محترمة و زينة بس عيبها رومانسيتها الزايدة و حبت واحد بكل إحترام يعني ما جاسها

بنظر مجتمهنا منو أحسن؟

46 comments:

Mohammad Al-Yousifi said...

ماني شايف العلاقة بين الحب و الجنس و خراب البيوت و الوصاخة

يعني الحب حلو

و الجنس يحليه زيادة

شكو خراب بيوت و وصاخة و مدري شنو؟

Unknown said...

الله حاطه مليون شى فوق بعض
بس كل اللى اقدر اقوله وانتوا مو راضين تقتنعون فيه
ابتعدنا عن اخلاقنا ابتعدنا عن تقاليدنا وقبل هالشى ابتعدنا عن دينا فاصبحنا مجتمع حيوانى
تبين الدليل
روحى المرينا وشوفى عيون الحريم على الرياييل
وشوفى عيون الرياييل على الحريم
مجرد نظرات شهوانية بدون اى براءة

Anonymous said...

" If you love somebody, let them go, for if they return, they were always yours. And if they don't, they never were."

- Khalil Gibran


Sex is overrated anyway.

Fuzzy said...

تدور حب أفلاطوني !

اشوف ان التدخين ماله علاقه ان كان ريال ولا بنت .. ما أدري ليش التدخين في مجتمعنا جنه فعل فاضح يحاسب عليه القانون !
.. لكل علاقة ظروفها .. ممكن يكون في حب طاهر ... بس ما ينتهي بزواج.. فالحل شنو ؟ تنطر حب ثاني وثالث ؟

عتيج الصوف ولا يديد البريسم

Яeema said...

kila ma6goog :
بالعكس المتعارف عليه و إللي الله حلليله إن ينتهي الحب بالجنس و هو سبب الزواج

خراب لبيوت إذا صار حب و جنس و ماكو علاقة إتحلل هالشي

بمجتمعنا ما يعترفون بالحب
و إلا محد خش عن أهله إن يحب و من تسمع إن فلانة تزوجت من واحد يختلف عنها في بعض الأمور يقولون الناس
أكيد ماخذته عن حب و كأن الحب عيب و حرام

Яeema said...

mishari :
العادات والتقاليد ما ناخذها كلها كما كانت ، يعني لو أنا مو متزوجة مالك أمل أتزوج واحد ما أعرفة
مالك أمل ما أتكلم وياه بالتليفون بعلم أهلي طبعا قبل لا آخذه

مالك أمل الزواج يكون برضا الأبو بس و مو برضاي
مالك أمل وايد أشياء
مالك أمل علي أبو ولد عمي آخذه و يعني زين
وايد وايد أشياء مو مقنعة إنك إتسويها

تغيرنا و صارت لنا إحتياجات غير لعيال و فتح بيت و تكون تعيس داخلة
ما نقبلها و هذي من أسباب الطلاق

و بعدين إشدعوه شنو هاإشاعة وين قاعد بالزلفي؟
أنا كنت أروح مارينا أصلا بالديرة متروسه ينات بدون ما إتطالع

بس كل من يرا الناس بعين طبعة
هاهاهاهاهاهاهاها
أتقشمر وياك لا تاخذها جد و تزعل

النظرات موجودة من الأزل و هذي غريزة عشان جذي الله صان المرا و خلاها تتحجب

و الكل يدري و يطلع من بيته محترم و لابس لبس ما يلفت النظر

أنا أقول وينك هالأيام أثاريت إتقز بمارينا!؛
هاهاهاهاهاها

روح الكوت و شوف النظرات إهناك بتقول عن نظرات مارينا فيها براءه

Яeema said...

Haaamooor wama adraka ma haaamooor

حدك مشتط و كلامك إشو خارج عن الموضوع

أول شي روووح صيدلية بوتس و يبلك دوا حق عوار الراس كل ما تقرا بلوغي و يعورك راسك و ماني قايلة شي زايد بس عوار الراس من شي ثاني شكلة مو مني
هاهاهاهاهاها
أخاف حايشتك ضربة شمس من الواهي إللي يايلكم هالأيام


في حب بس بالنسبة للمرا تبي حب من نوع ثاني مو حب مواقف و بطيخ

راح أكتب عنه المرة الياية


basss mojataam3aa taghaayer.. meehee raadaa 3alaa el7oob .. elnaass gaamoo esaawoon kel shay now eb Eseem el7oob ...

let us be honest ..


وصلت خير هذا إللي أتكلم عنا
عشان جذي تبي حب مجتمع عبدالحليم


oo thaneeyaan maafee bent saan3aa edaakheeen ... Hatheee madaakhaanaat elaaa emdaakhneein feehaa ..

ًٌWORNG !!!!!!!!!!!!
حدك غلطان و كيتي جاوبتك ليش ما أبي أكرر ، بقولك شي صايره مودة إن المرا إللي إتدخن تكون كلاسي لوووك

عرفت؟ ما تبي وراها شي ووايد فئات من المجتمع عندهم عادي
بس النظرة الغالبة مثل ما قلت إنها قليلة أدب


ماني طابه بالأمير بس بطب بال 200 د
like HAAHAHAHHAAHHAHAHAHA
BIG TIME

7adha ma 3aleeha khe6a6
بالغزو عطونا أكثر من هالمبلغ
وديرتنا رايحة و ألحين فائض الميزانية 45 مليار و يعطونا 200
نبي كادر علي معاشاتنا
منحة إسمها يضحك
لييش بالله منحة؟!
علينا عايز
خل إيمعونهم و حطونهم بمشروع سنع أحسنلهم
بقالة إتدخل أكثر من هالمبلغ

ههههههههههههههههههههههههههههه
واااااااااااااي صج صج ضحكت إشلون بسكتون هالناس
الحين إستغنوا بعد ما باعوا أصواتهم
يعني مو بحاجة لل 200

Яeema said...

kitty :
تدرين كلامج وياي كل صبحية إتخليني أفكر غير و أقول أشوه مو بس أنا جذي أكو ناس مثلي يناضلون لدخول الحب القديم

كلامج عدل و شفت ناس بلبنان إهيا و ريلها و أبوها يدخنون و ماني قايلة من أي فئة بس هذا سلك ناس معيننين بالكويت

أنا أتفق وياج يا توأم عقلي
:p i miss you !!!!!!!!

Яeema said...

mini-r :
HERE AM I !

hahahahahahahahahaha

sweet words like you

when you will change your picture?
i cant flirt like that!

Яeema said...

fuzzy :
أعتقد حب أسطوري


التدخين بالنسبة للبنت جنك تقول هذا تشرب خمر

عرف ليش؟


عالي الحب و إذا ما ييه العتيج و راح في دربة و تزوج و عيل؟

بتصير إحيا الصوف و علية

Яeema said...

nadia anza7a :
للأسف هذا الواقع مو أنا إللي أقول
و شوفي رد الشباب
ترا بالنسبة حق مو كويتية عادي عندهم
السعودية ما يستغربون ليه شافوها برة

بس الكويتية غير جنها ياية من برة الكرة الأرضية و لا أزيدج من الشعر بيت

بعد هالبوست بقولون إنني أشجع علي التدخين

هاهاهاهاهاهاهاهاهاهاها

ترا مالي شغل أنا بس قاعدة أعكس الواقع
عرفت ناس يهبلون بس أمهاتهم سعوديات و يأرقلون و ماني شايفة إن هالشي يضر إلا صحتهم

أنا عندي إتدخن و لا تقعد إترقم
جنه بالديسكو مالي بحط تراس حق الأرقيلة
ههههههههههههه

Unknown said...

صح كل من يرى الناس بعين طبعه

Яeema said...

Haamoor !
يا حصرتي ناقصة إشاعات أنا بعد الله يهداك

يا جماعة ما أعرفا ولا لي شغل فيه
أصلا أنا خوافة
هاهاهاهاها

Яeema said...

lawyer mawjoda bas mash'ghola eshway

Fuzzy said...

ريما فيج شي مو طبيعي ! يا ان الكيبورد اللي عندج قديم .. أو انج صابغة أظافرج أو انج دايخه !! مليون بدليه بالبوست والردود هاهاهاها

سلامات

tweety said...

انا التدخين ما اواطنه لا على الريال ولا على المرة..ما احس في فايدة منه مو ناقصين تلوث بيئي وصحي
اما على طاري الحب ..فأنا مابي حب عبدالحليم ..أبي حب هندي :p
للأسف ان الحب في هالزمن صار يطلق على اي علاقة سخيفة او رخيصة بين اثنين
ناس يخونون ازواجهم ..يقولون حب
وحدة تبوق ريال من مرته وتهدم بيته تقول حب
واحد يمشي مع سكرتيرته يقول حب
وفي من يقول الزواج شي والحب شي ثاني ! ياعيني على مفهوم الحب اللي عندهم
اللي يبي الحب ويدور عليه لازم يحب نفسه بالأول ولا يسمح انه احد يستغله او يسيء له او يضره باسم الحب
الحب هو انك تلمس بالطرف اللي يحبك حب لمصلحتك ومراعاة لمشاعرك وتقدير لشخصك واحترام لذاتك , هو ان يفهمك الشريك او لا يجد مشكله ان يتفاهم معك ويقبل اختلافاتك عنه وينظر لك على انك مميز ,الحب هو ان تعيش وتتصرف على طبيعتك دون تصنع وهو ان تضحي لمن تحب بإرادتك وتخلص له لأنك مايترس عينك غيرك..الحب عطاء دون انتقاص
الحب ليس ابتذال او عيب ولا يخجلك انتسابك له
الحب مشاركة مشاعر وليس اتباع غريزة
جني افتلت وايد ؟
عموما الحب موجود بس المحظوظ اهو اللي يلقاه بحياته

Яeema said...

fuzzy !
لأني أكتب علي ضوء الشموع

مرة ثانية بطرشلك إيميل إتصلح الأخطاء المطبيعة و إترده لي تالي

و بعدين كلامك صح إمسويا أظافيري
at N-BAR

وحاااطة ستراس فيهه فأخاف يختربون
هاهاهاهاهاهاها

سووورييييي
إسأل ميني آر عني
ترا أنا وايد زينة الحين
عدل فييني بالعربي

ميخالف سامحني قاعدة أحاول أكتب بدون بدليات و مادري الكويتي صعب ينكتب و اللغة العربية دمها ثقيل و الإنجليزي مليق شسوي يعني؟
مالكم إلا الصبر
هههههههه

Chai-7aleeb said...

ترا الدنيا بخير ولى الحين فى ناس وايده من الشباب الطيب اللى يعرف معنى الحب و ما يشط بعيد للجنس

وأولهم


أنا


أموت أعيش بحب وغرام والجنس عندى مو أولويه

المهم عندى الصراحه والقلب الطيب

Яeema said...

tweety !

كل إفتلتي حد الدوسة
والله كلامج عسل و يبتيها يييب

ما أقدر أعلق أنا من زمان مقتنعة بكلامج

الإستخفاف بالحب خلانا ننظر له بإنحطاط إشوي
يحبي معناها يبي مني شي

أذكر أبوي كل يقوللي إللي يبيج يدق بابج

و إذا أنا أبيه إشلون؟

لييش ممنوع البنت إتحب
ليش عيب
ليش تستغل بطريقة بايخة

شكلي بفتلت وياج
الله يحفظنا من شر الحب بو إستغلال هذا

Яeema said...

chai-7aleeb:
بسوي منك إستنساخ إشرايك؟
الله يخليك للحب و يكثر من أمثالكم
صراحة الواحد قام يخاف علي بناته
من هالشباب

و نظرت المجتمع للبنت الحنونة إللي إتحب

Fuzzy said...

هممممم
اشسالفة البارات بالكويت هالايام هاهاها فيهم تعطش للبارات

بار أظافر
شوكولات بار
دار بار

ماكو بار بار ؟

تكتبين على ضوء الشموع لاضافة جو رومانسي ولا سياسة ترشيد استهلاك كهربا ؟ ابيخ شي لما تطفي الشمعه والدخان يترس المكان يعفس الموووود هاهاها

Яeema said...

fuzzy:
دار بار ما سمعت عنه إشيطلع هذا بعد

الله يسلمك مشكلتي الرومانس في حياتي إلا لازم أطلع الرومانس من قعر داره المكنون فيه


و بعدين في طريقة عشان الدخان ما يطلع
ممكن أقولها بالإنجليزي و قعها عالأذن أحسن

you spit on your finger and hold the candle with it
then you will hear the voice of the
teeeeeeeshshshshshsh

no smoke at all try it
راح يضل المود كما هو رومانسي للأبد

وااااااااااي يا حلو الرومانس و إللي مخترعه
مو مخترع؟
مخترعه
ههههههههه
بسنا خرعات يا حسين بسنا خرعات

tweety said...

reema
ثانكس يا عمري على التشجيع وانا اوعدج بمزيد من الانطلاقات
اتصدقين ..طلعت الافلام الهندية تسوي شغل
:p

hamoor
اخجلتم تواضعنا ...بس كل مرة علق وانت يوعان...
عشان تمدحني
:p

Unknown said...

انا البي دليلي
آلي حتحبي
حب........خوش اذا من نفس فصيل
اذا مو من نفس فصيل ........ما خوش
مع تحيات قناة فنون

PearL said...

افا

انا رديت بس وين راح ردي

بس ماعليه موضوعج يستاهل ارد عليه مرة ومرتين


انا مع راي رفيجتج ان الحب حاليا = الجنس
اذا الوحدة حبت واحد لازم تعطيه اللي يبي عشان تثبت له انها تحبه ولا ماينفع شي غيره

الحين التفكير صاير زبالة حشاج
مافي احد ما يبي يحب الحب
ومافي احد ما وده يعيش قصة حب نظيفة
لكن الزمن الحين مو زمن حب


اما عن المجتمع
مجتمعنا يبيله فورمات
يبيله اعادة برمجة للمسموح والممنوع
لان في وايد اشياء مافيها شي بس تعتبر من المحظورات الكبيرة
وفي اشياء محرمة بس اشياء عادية


يعطيج العافية عالموضوع الحلو

Fuzzy said...

هممم شسالفة حب الراهبات !

مو جنة مطعم هندي دار بار ! ما دشيته بس جنه اكو مطعم بهالاسم

you spit on your finger and hold the candle with it
then you will hear the voice of the
teeeeeeeshshshshshsh
عاد ليش أون ماي فنقر ؟ استعمل
Q-Tip
هاهاها


كله من روايات عبير خربتكم ما تبون اللا رومانسيه وعبدالحليم

وحنا شماخذين منها ؟

هاذي مشكلة المرأة الشرقية تبي كل شي الريال يسويه

روح - تعال - وصل - اشتر - ادفع - سمعني كلام حلو - طلعني - اعزمني - سفرني - ريحني

وحنا :(

اطالب بحقوق الرجال والمساواة

قاصين علينا

NewMe said...

الحب ضرورة نفسية
تجعلني أقبل زوجي بعيوبه قبل مزاياه
وهو آيضاً يتقبل جنوني وهفواتي
الحب يكمل النواقص أو يعمي العين عنها
وفي رأيي
يجب أن تكون العلاقة في النور ولا داعي للكتمان
لتزدهر وتتفتح في جو صحي
لا كذب ولا خداع ولا لف ودوران

لتدم حياتكم مليئة بالحب والعطاء
أطيب تحياتي

Яeema said...

tweety:
أعين و أعاون أها عليج ، عندي موضوع إمزهبته حق هالويك إند أبس إنطلاقة منج ثانية


عاجل:
هذي قصة ثانية بعد حب من نفص فصيلتك
إيييييي والله صدقت
كأن الحب يعرف هذا ولد فلان و إلا هذاك ولد فلنتان

Яeema said...

pearl:
حبيبتي والله صاجة هالأيام السيرفر طايح حظه كلش و ما سوت عليها هالكيبل
ماكو غيرة!؛


مجتمعنا يبيله فورمات
يبيله اعادة برمجة للمسموح والممنوع
لان في وايد اشياء مافيها شي بس تعتبر من المحظورات الكبيرة
وفي اشياء محرمة بس اشياء عادية


قلتي الزبدة
بس عسا ما إتسيح
هههههههههه

لازم هذا إللي نسعاله ما ناخذ العادات القديمة كمسلمات ، الوقت تغير

مو معناتعا مو متحجبة و إتمرين يم ناس يقولون إستغفر الله

أقول الله يهدينه جميعا

Яeema said...

fuzzy :
من قال طالبين منكم الرومانسية !؛
بس لما إحنا نكون رومانسيين لا إتدقرونا!؛

أصلا الكويتي ما يعرف يدلع و مو لايق عليه
حلاته بقشمرته بس عاد لا تمصخ السالفة و يعاملني مثل واحد من الربع

إحنا نقول لما إنحبكم لا تستخفون بالحب و يكون تفكيركم في شي ثاني
ركزوا بالقلب و بعدين يصير خير

هاهاهاهاهاهاها
إبذمتك أكو مسلسل كويتي في حب؟
ليييش يبتلك طاري عبدالحليم؟

أنا مو من جيل روايات عبير
أنا إنترنت
علي أيام روايات عبير أنا إطردي بهالقوايله بسيكل هوندا 50
هاهاهاهاهاهاها

Яeema said...

balqeen:
أنا برد عليج و أعتقد ردي راح يغير نظرتج لي شي

أنا لو أشوف وحدة داقة الزقارة و الله إني ما أحترمها ، شعور من داخلي

ليييش؟
موروثات
كنت عايشة برة لفترة و مرة سألت أمي
لييش الحريم يدخنون
جان تقوللي هذولا أجانب غير عنا إحنا كويتيين ما إندخن
أرد أسألها
ليييش أبوي يدخن
ترد : أبوج ريال عادي يدخن بس الحريم لأ

من هالمكتسب من أمي ما أقدر أتقبل بنت كويتية إتدخن
بس ها؟ ما أحكم أخلاقها بالسيجارة

الحب أتكلم عن وحدة عذراء

متزوجة و إتحب مصيبة بنظري

الحب ماله قيود و إذا إنتي بتحطينها بروحج و الشخص إللي إتحبينه ما يساعدج
هذا ينقالة حب من طرف واحد

و هذا قصدي
يحبها و يحافظ عليها


تدرين ليش الحب تدنس؟؟؟؟
لان مع الاسف البنات صاروا يقطون روحهم على الرياييل قط
لا تقولين متزوجه و لا غير متزوجه
ماكو حيا و لا مستحا


معاج 100 %؛
----------------------------------

راح إنعيد أمجاج الحب الصعب



يا مدور الهين ترا الكايد أحلا
و إسأل مغني قايدات الطروقي

الزين غالي ، لكن الأزين أغلا
و الكل شراي بضاعة و سوق

Яeema said...

newme :
ملاحظتج في محلها و كانت غايبة عني

صحيح كلامج

القلب المليان بالحب يشوف كل شي بحب و لو أقل شي إنحط يقولون الحمد الله

أنا عندي الحب حاله حال الماي و الهوا و فعلا ما أقدر أعيش بدونة

barrak said...

الحب فن لايشعر به الا الفنان بمشاعره والاديب باحساسه والمزدهر باشواقه
وكلن يرى الناس بعين طبعه
فعلا الحب متعه
بس وين القلب اللي يحتويه

Fuzzy said...

مجتمعنا يكيل الامور بمكيالين

يحرمون على غيرهم ويحللون لنفسهم

نصيحة .. كل من يعيش بمعاييره ولا يلتفت للقيل والقال والكلام المأخوذ خيره
دام يراعي عدم التعدى على حرية الغير

خوش بوست ريما وناطرين نشوف صورتج ونتي راكبة الهوندا 50 هاهاها شخباره للحين أكو منه ؟

IBN BAHYA - إبــن بهيـــــــــــــة said...
This comment has been removed by a blog administrator.
IBN BAHYA - إبــن بهيـــــــــــــة said...

يا شباب مين كويتي هنا ؟؟؟ طيب فيه حد فيكم يا كويتيين بيحب الكويت بجد ؟؟ بجد بجد يعني مش مجرد كلام ؟؟؟ عندي بس كلمه للكويتيين فقط ... هل تعلمون أنكم مساكين ؟؟؟ والله مساكين أوي أوي بالمصري .. يا شباب الكويت اعرفوا بلدكم كويس واتكلموا عنها كويس .. الكويت اللي الناس عمال تسب فيها دلوقت وبتقول إنها كذا وكذا .. صدقوني هي آخر بلد عربي ركع .. آخر بلد ركع لأمريكا .. طيب ليه هما نازلين تلطيش في الكويت الأيام دي ؟؟؟ ليه ؟؟ إحنا ناقصين بهدلة وغلب وتفرقه يعني ؟؟ ولا يكونش ده لزوم استكمال المؤامرة على بلادنا وتقطيع أوصالها ؟؟؟ يا شباب الكويت كانت بلدكم أول بلد خليجي يعرف الصحافة .. الله يرحم عبدالعزيز الرشيد الذي أصدر سنة 1928 أول مجلة خليجية في التاريخ وكان بيطبعها عندنا في مصر .. تيجوا دلوقت وتخيبوا كده ولا تعرفوش تتكلموا عن بلدكم ؟؟؟ والله حرام عليكم .. وحرام على الكتاب اللي بكروش عندكم ولما بيستضيفوا أي واحد فيهم على الجزيرة ولا غيرها بيبقى شكله عره وأهبل وما بيعرفش يرد زي النصف من يومين .. يا شباب الكويت عندها تاريخ كبير ممكن تباهي بيه وتفخر بيه أوي أوي أوي .. جات عليها دلوقت إنها دخلت أمريكا المنطقه ؟؟؟ طيب يا سي سامي النصف كاتب .. فين ده ؟؟؟ لو عندك لسان كنت ترد وتقول إن الكويت آخر بلد اتنازل ووافق للقوات الدولية تدخل المنطقة .. الكويت قبل سنة 1990 كانت رافضه تأجير إحدى جزرها بالفلوس للجيش الأمريكي اللي بقاله سنين وسنين نايم قايم في السعودية وحتى عندنا في مصر .. الكويت يا نصف .. كاتب فين انته ؟؟؟ ياما وياما دعمت العروبة والقومية العربية .. الكويت هي أول بلد عضته القومية العربية اللي ضحكوا علينا بيها ... الكويت دايما بتتعض من اللي أعطتهم .. بس الأشراف وأصحاب المبادئ لأ .. يا نصف كاتب كنت تقدر تقول وترد .. لو الكويت ما راحتش للعالم عشان يحررها كان زمان حكومتها وشعبها نايم في ميدان التحرير عندنا بيبوس جزمة عمرو موسى عشان يعملهم اجتماع قمة عربية ويناقش قضيتهم مع صدام (زعيم من ورق .. ورق صحف صفراء عملت منه زعيماً على الفاضي) .. ومش بعيد الشرطة المصرية كانت موتت خمسين واحد بخراطيم المياه زي إخواننا السودانيين .. كان ممكن جابر الله يرحمه مات في مصر واندفن بعيد عن وطنه لو إن الكويت مشيت ورا الجامعة الزفت اللي بتقولوا عليها عربية دي .. الله يلعن دي كلمه .. ما شفناش من الجامعة العربية والقومية غير الهزائم وزعماء ورق زي المفدى صدام اللي ضحك على الفلسطينيين وفهمهم إنه هيحرر القدس عن طريق الكويت وللأسف وقعوا في الفخ .. مساكين مش لاقيين قشايه يتعلقوا فيها .. طيب ازاي حد عاقل يفهمني ؟؟؟؟ يمكن عشان الهاي واي في الكويت حلو ويشيل جيش أشاوس صدام ؟؟؟ يمكن .. ما هي حاجه تفلق .. المهم يا كوايته عايزكم تبقوا جدعان وتعرفوا تردوا في أدب وبالتاريخ والموضوعية مش كلام وبس ..مصيبة الكويت إنها ما عندهاش إعلام زي مخاليق ربنا .. ناس بتبهدل فينا والعالم رافع صورها إشي قذافي وإشي صدام وزفت وناس بتشتغل بجد ولا حد معبرها خالص بل بالعكس بتتشتم وتتلعن كل يوم .. لأ ونيجي نقول عايزين نتحد ونبقى يد واحده .. طيب ازاي يا خلق ؟؟؟ صدقوني والله ده أحد أسباب مصايبنا الكثيرة وسبب كبير كمان .. يا كوايته لازم تعرفوا إن الكويت على صغرها ده شاركت في حربنا مع العدو في 1973 بمائة عسكري .. استشهد منهم سبعتاشر ورجع الكويت ثلاثة وثمانين واحد مكسرين ومدشدشين وتلاقيكم بتقابلوهم عندكم .. ده غير الدعم المادي طبعاً .. القذافي سحب من وسط المعركة دبابتين خربانين كان مشحتهم لمصر .. يا ناس فوقوا بقى أنا زهقت من الغلب اللي احنا فيه ده والله .. كذابين الزفة هما اللي باينين والشرفاء ميتين موته إعلامية تقرف ... يا ريت يا كويت تعرفوا تتكلموا شويه .. حرام بلدكم دي ليها أيادي بيضاء على الأمتين العربية والإسلامية بخيرها ولا ينكر الخير والإحسان إلا الخسيس والله .. أنا طبعا ما حدش يعرفني هنا خالص .. اسم مستعار وليس لي علاقة بأحد لكن غايظني أوي ظلم الكويت لأننا بكده بنخسر بلد طول عمره واقف في صف أمته سواء على المستوى الحكومي أو الشعبي .. في الكويت كل مساجد السنة الجمعة اللي فاتت دعت بالنصر لحزب الله .. وفي غير الكويت شوفوا مساجدهم قالت إيه ؟؟؟ طيب يبقى حرام نظلم بلدنا الطيبة دي ولا لأ ؟؟؟ حرام .. والله حرام .. يا رب يا كريم .. انصر حسن نصر الله .. انصر الأمة .. ويا رب أظهر الحق .. وعلمنا الحق .. وأرنا طريق الحق .. يا كريم .. ودايماً طيبة وآمنة وكلك رجولة يا كويت ويا أهلي في الكويت كلها فوقوا وما تسيبوش الكدابين والأفاقين يضحكوا على الدنيا كلها ولا أنا غلطان ؟؟؟ ولا يمكن ماليش حق أتكلم كده عشان مش كويتي؟ عموماً أعتذر لكم إن كان كلامي جافاً ولكني مهموم جدا جدا بما أراه من تفرقة وكراهية بين أبناء الوطن الواحد والجسد الواحد والمصير الواحد وكل تلك الكراهية مبنية على الأكاذيب ..

IBN BAHYA - إبــن بهيـــــــــــــة said...

يا شباب مين كويتي هنا ؟؟؟ طيب فيه حد فيكم يا كويتيين بيحب الكويت بجد ؟؟ بجد بجد يعني مش مجرد كلام ؟؟؟ عندي بس كلمه للكويتيين فقط ... هل تعلمون أنكم مساكين ؟؟؟ والله مساكين أوي أوي بالمصري .. يا شباب الكويت اعرفوا بلدكم كويس واتكلموا عنها كويس .. الكويت اللي الناس عمال تسب فيها دلوقت وبتقول إنها كذا وكذا .. صدقوني هي آخر بلد عربي ركع .. آخر بلد ركع لأمريكا .. طيب ليه هما نازلين تلطيش في الكويت الأيام دي ؟؟؟ ليه ؟؟ إحنا ناقصين بهدلة وغلب وتفرقه يعني ؟؟ ولا يكونش ده لزوم استكمال المؤامرة على بلادنا وتقطيع أوصالها ؟؟؟ يا شباب الكويت كانت بلدكم أول بلد خليجي يعرف الصحافة .. الله يرحم عبدالعزيز الرشيد الذي أصدر سنة 1928 أول مجلة خليجية في التاريخ وكان بيطبعها عندنا في مصر .. تيجوا دلوقت وتخيبوا كده ولا تعرفوش تتكلموا عن بلدكم ؟؟؟ والله حرام عليكم .. وحرام على الكتاب اللي بكروش عندكم ولما بيستضيفوا أي واحد فيهم على الجزيرة ولا غيرها بيبقى شكله عره وأهبل وما بيعرفش يرد زي النصف من يومين .. يا شباب الكويت عندها تاريخ كبير ممكن تباهي بيه وتفخر بيه أوي أوي أوي .. جات عليها دلوقت إنها دخلت أمريكا المنطقه ؟؟؟ طيب يا سي سامي النصف كاتب .. فين ده ؟؟؟ لو عندك لسان كنت ترد وتقول إن الكويت آخر بلد اتنازل ووافق للقوات الدولية تدخل المنطقة .. الكويت قبل سنة 1990 كانت رافضه تأجير إحدى جزرها بالفلوس للجيش الأمريكي اللي بقاله سنين وسنين نايم قايم في السعودية وحتى عندنا في مصر .. الكويت يا نصف .. كاتب فين انته ؟؟؟ ياما وياما دعمت العروبة والقومية العربية .. الكويت هي أول بلد عضته القومية العربية اللي ضحكوا علينا بيها ... الكويت دايما بتتعض من اللي أعطتهم .. بس الأشراف وأصحاب المبادئ لأ .. يا نصف كاتب كنت تقدر تقول وترد .. لو الكويت ما راحتش للعالم عشان يحررها كان زمان حكومتها وشعبها نايم في ميدان التحرير عندنا بيبوس جزمة عمرو موسى عشان يعملهم اجتماع قمة عربية ويناقش قضيتهم مع صدام (زعيم من ورق .. ورق صحف صفراء عملت منه زعيماً على الفاضي) .. ومش بعيد الشرطة المصرية كانت موتت خمسين واحد بخراطيم المياه زي إخواننا السودانيين .. كان ممكن جابر الله يرحمه مات في مصر واندفن بعيد عن وطنه لو إن الكويت مشيت ورا الجامعة الزفت اللي بتقولوا عليها عربية دي .. الله يلعن دي كلمه .. ما شفناش من الجامعة العربية والقومية غير الهزائم وزعماء ورق زي المفدى صدام اللي ضحك على الفلسطينيين وفهمهم إنه هيحرر القدس عن طريق الكويت وللأسف وقعوا في الفخ .. مساكين مش لاقيين قشايه يتعلقوا فيها .. طيب ازاي حد عاقل يفهمني ؟؟؟؟ يمكن عشان الهاي واي في الكويت حلو ويشيل جيش أشاوس صدام ؟؟؟ يمكن .. ما هي حاجه تفلق .. المهم يا كوايته عايزكم تبقوا جدعان وتعرفوا تردوا في أدب وبالتاريخ والموضوعية مش كلام وبس ..مصيبة الكويت إنها ما عندهاش إعلام زي مخاليق ربنا .. ناس بتبهدل فينا والعالم رافع صورها إشي قذافي وإشي صدام وزفت وناس بتشتغل بجد ولا حد معبرها خالص بل بالعكس بتتشتم وتتلعن كل يوم .. لأ ونيجي نقول عايزين نتحد ونبقى يد واحده .. طيب ازاي يا خلق ؟؟؟ صدقوني والله ده أحد أسباب مصايبنا الكثيرة وسبب كبير كمان .. يا كوايته لازم تعرفوا إن الكويت على صغرها ده شاركت في حربنا مع العدو في 1973 بمائة عسكري .. استشهد منهم سبعتاشر ورجع الكويت ثلاثة وثمانين واحد مكسرين ومدشدشين وتلاقيكم بتقابلوهم عندكم .. ده غير الدعم المادي طبعاً .. القذافي سحب من وسط المعركة دبابتين خربانين كان مشحتهم لمصر .. يا ناس فوقوا بقى أنا زهقت من الغلب اللي احنا فيه ده والله .. كذابين الزفة هما اللي باينين والشرفاء ميتين موته إعلامية تقرف ... يا ريت يا كويت تعرفوا تتكلموا شويه .. حرام بلدكم دي ليها أيادي بيضاء على الأمتين العربية والإسلامية بخيرها ولا ينكر الخير والإحسان إلا الخسيس والله .. أنا طبعا ما حدش يعرفني هنا خالص .. اسم مستعار وليس لي علاقة بأحد لكن غايظني أوي ظلم الكويت لأننا بكده بنخسر بلد طول عمره واقف في صف أمته سواء على المستوى الحكومي أو الشعبي .. في الكويت كل مساجد السنة الجمعة اللي فاتت دعت بالنصر لحزب الله .. وفي غير الكويت شوفوا مساجدهم قالت إيه ؟؟؟ طيب يبقى حرام نظلم بلدنا الطيبة دي ولا لأ ؟؟؟ حرام .. والله حرام .. يا رب يا كريم .. انصر حسن نصر الله .. انصر الأمة .. ويا رب أظهر الحق .. وعلمنا الحق .. وأرنا طريق الحق .. يا كريم .. ودايماً طيبة وآمنة وكلك رجولة يا كويت ويا أهلي في الكويت كلها فوقوا وما تسيبوش الكدابين والأفاقين يضحكوا على الدنيا كلها ولا أنا غلطان ؟؟؟ ولا يمكن ماليش حق أتكلم كده عشان مش كويتي؟ عموماً أعتذر لكم إن كان كلامي جافاً ولكني مهموم جدا جدا بما أراه من تفرقة وكراهية بين أبناء الوطن الواحد والجسد الواحد والمصير الواحد وكل تلك الكراهية مبنية على الأكاذيب ..

LonDonY said...

يبا مشكلة البشر مع الحب مشكلة من عمر الدنيا مالها علاقة بايام رشدي اباظه ولا عماد حمدي.. لو على قولتكم انهم اهل الرومانسية جان اعرفوا قيمة سعاد حسني

الشاهد ان الحب 3 انواع
نوع حب عياره
ونوع حب مصحلة
ونوع حب صادق

الكل يعرف حب العياره والمصلحة.. لانهم يشكلون السواد الاعظم والكل متلجم منهم.. لكن النوع الاخير اهو الحب اللي الكل يدوره لكن ما يحصله غير 10 % من الناس ، واهو اللي يسموونه بالChemistry
لان فيه انسجام وقبووول وتوافق مو طبييييعي للطرف الثاني

كمستري لمن انحس براحة غريبة واحنا انكلم الطرف الثاني
كمستري لمن انحس ان الحجي يطلع منا بسلاسـة مو متعودين عليها
كمستري لمن تسمع من اللي جدامك بالساعات ولا اتمل منه
كمستري لمن تفهم اللي جدامك من رمشة عينه
كمستري لمن اتحب تقضي كل وقتك مع اللي جدامك .. لله في لله بدون اي مصلحة من اي نوع

وهذا يذكرني بحب الرسول صلى الله وعليه وسلم لعائشة رضي الله عنها.. ليش ؟؟؟
لانه (ص) ما حس بمثل هالتوافق والانسجام الا معاها رضي الله عنها فحبها من كل قلبه (ص) ء

فالحب الصادق صعب حيل واكبر خطاء محاولاتنا في "خلق" الحب.. غصب طيب
لا نركض وراه لانه اهو اييي منه ومن نفسه.. اذا الله كاتب

LonDonY said...

ابن بهيــة

بالراااحة ياباشا .. طوول بالك
احنا كنا نتكلم في موضوع تاني خالص
وكلامك كله صح ميه ميه بس لو بيكون في زاوية خاصة فيه يكون افضل

وشكرا

Fuzzy said...

ابن بهيه

كـــفـــايــــة

Яeema said...

شنو هذا؟
من طولة ما قريته
خفت يصير فيني إكتآب

مصري و سياسة جان قايل نكته أحسن

Яeema said...

قريت و هم ما خلصت تعبت
بس كلامه صح و الله

ينصر دينك

راح أقرا الباجي بعدين

إنت منين بتتكلم أكيد مش عايش في مصر

lawyer said...

ريما حبي

دشيت بوستج

لقيت 53 كومنت

لحظه ادق عليج

عشان تعطيني

التقرير

مالي خلق اقرا


مافيني حيل


بنات
شباب

شخباركم

Яeema said...

أشوف جنه بوستي صار الإتجاه المعاكس
هاهاهاهاهاهاهاهاها


بس بغير البوست أستهلك

هههههههه
ترقبوني الساعة 12 منتصف الليل

Fuzzy said...

صارت 12 وعشر يالله بوست يديد هاهاها

iliveinq8 said...

البنت الزينة و المحترمة و مالها علاقة بأي شاب بس فيها عيب واحد

إتدخن بينها و بين نفسها



مقارنة بدون منطق صراحة

اشلون بنت زينة ومحترمة وتدخن بينها وبين نفسها؟ هذي أكيد بويه :/

بس جد جد .. قارني عدل

البنات السنعات وايد ما تشوفينهم بالمجمعات هاف نيكد وبالقهاوي والحش بالي رايح وياي .. موجيدات في بيوت أهلهن واقرين في بيوتهن .. بس الصعاليك تبي الهاف نيكد :/